Friendmily (Closed)

之前同事無意中發現呢到，聽講呢到Lunch有得食魚生飯，所以今日得登走嚟試試!一行三人，第一次上到去覺得好似去咗cafe咁，仲有露天area，感覺上好舒服，好似去咗一個幾relax嘅地方enjoy lunch。Menu 上都有大約8個set lunch選擇，主力西餐同日式定食為主。Menu上亦有一個神秘午餐，大家想知係乜嘢可以同服務員查詢。我自己點了燒烤豬肋骨意粉個餐跟餐忌廉湯，略嫌有點稀，煮濃D會更可口跟餐飲品，汽水 tea or coffee，我要可樂 (佢哋支裝上)主菜上碟，聞到好香嘅BBQ豬肋骨味，燒得香而且又唔乾身，真係好好味。意粉size啱啱好，女仔可以食得晒。我的同事點咗日式定食，有味噌湯跟，鰻魚同燒鯖魚都好好味，燒鯖魚燒得好好，魚肉肉質鮮嫩，正! 佢哋話定食跟嘅雞串有點凍…Overall 都值得推介俾大家嚟試試，環境好，食物唔錯，俾附近的Factory xx 坐得舒服，無咁嘈。