TC Bistro (Closed)

估唔到係工業區都可以食到西餐！今日要同大家介紹嘅係TC bistro，係位於新蒲崗嘅西餐。先係講下環境，裝修主要係用霓虹燈，黑色餐桌！環境都幾浪漫架，好適合情侶一齊嚟！係小食方面，我就嗌左A 焗大啡菇配松露忌廉芝士！我大啡菇真係夠大，裏面芝士嘅份量亦都好足夠，係芝士上面有一茶匙嘅黑松露！味道剛剛好。每一啖，都伴隨着芝士嘅香味。超級推薦啊！主食方面，嗌左份醬燒豬肋骨，溫馨提示：煮食需時40分鐘，如果趕時間就唔好嗌啦。雖然等左40分鐘，但係我都覺得好值得，豬肋骨嘅肉真係好厚，少少脂肪，半肥瘦嘅肉質真係好正。佢哋用自家製嘅BBQ醬，燒完真係好入味。所以如果唔趕時間嘅你，真係要食呀！