Lab Eat Bistro (豉油街) (Closed)

今日放工又去旺角做facial 做完行經女人街附近見到呢間Lab Eat Bistro 唔Sure佢係咪新開 但見啲嘢食都幾啱食 所以入咗去試下上openrice見到好多人都叫呢度嘅牛腰肉 所以我哋都叫咗一份五成熟 呢度嘅牛肉確實嫰得嚟又有牛肉嘅咬感 同時保留到肉汁 亦有牛味 都算係幾出色另外身為薯條怪嘅我 當然就叫咗份松露薯條啦 薯條食落似係用松露油炸 另外會跟咗一個有松露味嘅沙律醬 點嚟食都幾好食最後叫咗一份甜品 雜莓可麗餅 重配咗一球雲呢拿雪糕添 雪糕好滑 絕對唔會係雀巢雪糕lol 而可麗餅包住好多雜莓酸酸甜甜 啱曬我呢啲唔鍾意食太甜 又想食甜品嘅麻煩友 =P