Video
Read full review
2022-11-29
100 views
星期五晚放工原本想去深水埗基隆街食餃子，但實在太多人，而且仲截埋單🙈，所以就唯有轉戰隔離最近嘅Cafe「Dozy」。如果想幫襯Cafe，或許晚上係最佳時機，因為港女多數喺日頭或者週末先出嚟打卡，🤣哈哈。其實餐廳都係星期五六晚先做晚市，亦因為咁我先有機會幫襯到。Cafe裝修行工業風，整體環境色調昏暗，並擺放咗復古傢俬同電視機等📺，望落幾有特色。呢度雖然主打飲品同輕食，不過亦都有提供幾款意粉。但由於晚市無做套餐❌，每樣嘢食都要單點就有少少貴…。慢煮香草雞扒牛油果醬意粉($98)，意粉賣相唔算特別吸引🍝，不過味道取勝，無論意粉、醬汁抑或雞扒都處理得唔錯。麵條口感彈牙，掛滿汁；🥑牛油果醬打得好溶，並混入蒜片，食落相當惹味。慢煮香草雞扒大大件兼厚切🐔，肉質嫩滑，調得好入味。蟹籽蟹肉配檸檬刁草醬三文治($98)，原本唔特別想嗌三文治🥪，但又冇乜其他選擇。三文治嘅造型靚靚，以沙律菜同花瓣作點綴。麵包經輕輕烘脆，餡料真材實料，用上鮮蟹肉同蟹籽🦀，份量仲要唔少。不過精華所在係個檸檬刁草醬🍋，味道既清新又搭調，再加埋爆漿蟹籽令人著迷。抹茶巴斯克芝士蛋糕($58)，呢款係是日精選蛋糕，因為抹茶中間加咗層紅荳
星期五晚放工原本想去深水埗基隆街食餃子，但實在太多人，而且仲截埋單🙈，所以就唯有轉戰隔離最近嘅Cafe「Dozy」。
如果想幫襯Cafe，或許晚上係最佳時機，因為港女多數喺日頭或者週末先出嚟打卡，🤣哈哈。其實餐廳都係星期五六晚先做晚市，亦因為咁我先有機會幫襯到。
Cafe裝修行工業風，整體環境色調昏暗，並擺放咗復古傢俬同電視機等📺，望落幾有特色。
呢度雖然主打飲品同輕食，不過亦都有提供幾款意粉。但由於晚市無做套餐❌，每樣嘢食都要單點就有少少貴…。
慢煮香草雞扒牛油果醬意粉
$98
17 views
0 likes
0 comments
慢煮香草雞扒牛油果醬意粉($98)，意粉賣相唔算特別吸引🍝，不過味道取勝，無論意粉、醬汁抑或雞扒都處理得唔錯。麵條口感彈牙，掛滿汁；🥑牛油果醬打得好溶，並混入蒜片，食落相當惹味。慢煮香草雞扒大大件兼厚切🐔，肉質嫩滑，調得好入味。
蟹籽蟹肉配檸檬刁草醬三文治
$98
11 views
0 likes
0 comments
蟹籽蟹肉配檸檬刁草醬三文治($98)，原本唔特別想嗌三文治🥪，但又冇乜其他選擇。三文治嘅造型靚靚，以沙律菜同花瓣作點綴。麵包經輕輕烘脆，餡料真材實料，用上鮮蟹肉同蟹籽🦀，份量仲要唔少。不過精華所在係個檸檬刁草醬🍋，味道既清新又搭調，再加埋爆漿蟹籽令人著迷。
抹茶巴斯克芝士蛋糕
$58
20 views
0 likes
0 comments
總括嚟講，估唔到呢間工業風Cafe嘅食物見得人😍，佢嘅意粉同三文治絕對係跑贏大市，所以我希望餐廳可以推出多啲鹹食啦！
Post
