Video
Read full review
2017-04-21
1233 views
尚鮮hotpick左好一段時間，賣點係首創既浜燒海鮮x日式燒肉放題。大少係食肉獸，日式燒肉更加正中下懷，鍾意其濃濃，原始既肉味，輕微既調味已經能帶出肉既獨特之處。岩岩有朋自遠方來，德國美人好愛食肉，叫我同佢食餐勁，又未去過日本 ，止住口懚先。位於銅鑼灣中心地帶，晚市肯定坐爆人，所以一早book定位，以免待慢美人。六點準時到達，已經有六七枱客人，好彩我醒目姐！一坐底店員就話我地知會送「尚鮮浜燒」海鮮拼盤！有六款海鮮：珍寶蠔、珍寶帆立貝、巨型虎蝦、活鮑魚、一隻蟹同蟹噌甲羅燒。 p.s. 如果4人同行會額外送一隻波士頓龍蝦，可惜我地只有兩個人「尚鮮浜燒」海鮮拼盤！！！！ 都幾有睇頭極心急既我當然要即刻燒！最可惜既係，我親愛既金髮美女唔識食，將個帆立貝燒到燶曬... 所以... 不過真係幾夠大，不愧係珍寶size！蠔蠔蠔 美女話人地fishy唔食喎... 益下小弟！蠔大隻不在話下，仲要燒完都保持到好似生蠔咁cream咁滑，更多左一重微烤過既炭燶味。加埋清酒去燒，酒精更揮發到其香味，不過要落多d酒，事關佢酒精含量唔算高。另一隻我落左高湯，食落去更甜，但如果兩者比較，我比較喜歡前者。小朋友可能鍾意
岩岩有朋自遠方來，德國美人好愛食肉，叫我同佢食餐勁，又未去過日本 ，止住口懚先。
位於銅鑼灣中心地帶，晚市肯定坐爆人，所以一早book定位，以免待慢美人。六點準時到達，已經有六七枱客人，好彩我醒目姐！
一坐底店員就話我地知會送「尚鮮浜燒」海鮮拼盤！有六款海鮮：珍寶蠔、珍寶帆立貝、巨型虎蝦、活鮑魚、一隻蟹同蟹噌甲羅燒。 p.s. 如果4人同行會額外送一隻波士頓龍蝦，可惜我地只有兩個人
「尚鮮浜燒」海鮮拼盤！！！！ 都幾有睇頭極心急既我當然要即刻燒！最可惜既係，我親愛既金髮美女唔識食，將個帆立貝燒到燶曬... 所以... 不過真係幾夠大，不愧係珍寶size！
蠔蠔蠔 美女話人地fishy唔食喎... 益下小弟！蠔大隻不在話下，仲要燒完都保持到好似生蠔咁cream咁滑，更多左一重微烤過既炭燶味。加埋清酒去燒，酒精更揮發到其香味，不過要落多d酒，事關佢酒精含量唔算高。另一隻我落左高湯，食落去更甜，但如果兩者比較，我比較喜歡前者。小朋友可能鍾意後者，好似食緊海鮮窩咁。
鮑魚厚身，要燒10-15分鐘，肉身記住向下先會熟。幾爽口，味道不重，可以狂加酒同小小豉油去燒，等佢再入味d。甲羅燒！！好好食！好好食！好好食！(重要的事情要說三遍)半熟既鵪鶉蛋漿混和鮮甜既蟹膏同高湯，又軟滑又香甜，唯獨係膏唔夠多，而且係兩人一份，唔夠過口癮丫！
原隻蟹！雖然唔係大隻或膏蟹，但勝在肉質鮮甜！兩人分一隻都夠過下口癮。記住燒耐d，起碼十分鐘。
盛宴wohoooo!
店內有圖教你分別牛同豬各部位
牛牛牛，我要食曬你地落肚牛仔骨食到停唔到口，近骨位既肉當然最鮮味，而且厚度好有滿足感，肉質有咬口！
韓式牛肋條 少少辣但非常香，最好食！入口係濃濃既肉味，脂肪都融化得七七八八，剩餘少量既滲入肉度，肉很嫩很香，真真不錯呢！
牛舌 冇好多調味料，肉味唔算濃，但相當爽口
和牛壽司真係幾飽都食多舊，因為飯好細，牛既肉同脂肪比例係接近一比一，加埋飯，令成件壽司都充滿牛味，記得食多件！
另外叫左刺身，甜蝦最出色，但因食燒肉已很飽，所以只點了少量刺身。泡菜很開胃，大家也不防多叫兩份。
Post
