Mela Italian & Spanish Cuisine (Moved) New Location

今時今日揾好嘢食，觀塘都係一個好選擇，因為舊工廈區裡面開咗好多唔同類型嘅食肆。之前試過一D西式餐廳，水平不俗。今次個friend揾咗一間食意大利同西班牙菜嘅餐廳，好似幾有特色，於是約埋去試試。落雨濕濕，時間尚早，所以嚟到嘅時候，唔係咁多人。有别於之前去嗰D餐廳，Mela個位喺鴻運中心商場地下，所以個Feel 有D唔同，勝在唔係shopping mall, 所以冇乜行人，清清靜靜，可以舒舒服服咁食餐飯。佈置有D西班牙、意大利小館風格，裝飾幾别緻，座位都算闊落，最啱同 D friend嚟吹水，慢慢食，慢慢傾。睇吓個menu, 八道菜嘅晚餐都係$238，好似好抵食，咁就叫個嚟試吓。頭盤我揀咗香煎鵝肝配蘋果醬，上碟一看，賣相不俗。鵝肝入口即化，配蘋果醬又不太膩。👍跟住嚟嘅Tapas Platter, 賣相精緻，三款小食都各有特色。我個人最鍾意嗰個蟹肉茴香香橙沙律。蟹肉有鮮味，加埋酸酸甜甜嘅茴香香橙沙律，口感非常清新，別饒特色。跟住嚟嘅黑松露菌南瓜忌廉湯，口感嫩滑細膩，不俗。主菜揀咗慢煮加拿大厚切豬扒。侍應一上菜時，我同個friend真係wow咗出嚟。😋塊豬扒成吋咁厚，size有成兩隻手掌咁大。