Video
Read full review
2016-09-27
286 views
本身相約左一位朋友去旺角行街，點知地鐵又巧遇另一位朋友，最後齊齊去食晚餐。見飯意招牌係芝士熔岩蛋漿飯，所以叫左個，不過真係嘛嘛地，主要因為用既芝士偏鹹，比午餐肉鹹好多，午餐肉反而正常比預期，芝士拉絲程度還好，但唔建議試呢個未食既朋友。另一樣啲人推介但我覺得嘛嘛地既小食拼盤，啲雞翼用既醬酸得太over，炸魷魚圈肉太腍唔彈牙，冇咩鮮味，薯格都可以接受叫脆，香腸味道ok，有啲蔬菜mix入肉中，冇咁heavy。最好食都係芝士吞拿魚蘑菇，味道係眾多小食中最清，唔重口味，有少少鮮甜菇汁。呢度食飯一定要叫番杯野飲，8成野食都重口味，我叫左杯綜合水果茶，勝左清新唔係落糖漿甜，主要都係生果味帶出。至於朋友既薄荷荔枝茶佢話係佢接受範圍，佢飲得好快，我諗應該ok (我冇試飲)咖哩漢堡蛋包飯蛋係煎得幾滑，不過內裡既飯唔夠茄汁，冇乜味，好在有咖哩漢堡濃番啲啲，太鬆軟😂結實番啲會更好口感。如果要係飯意揀出一款最岩芝士迷最鐘意食既芝士野食應該非進擊巨橋，濃湯芝士窩莫屬🙈芝士湯底芝士香濃，亦冇芝士熔岩蛋漿飯芝士咁鹹，配上口感煙韌既手打意粉，慢慢將濃郁芝士湯滲入意粉中交融著，再有爽脆紅椒，黃椒粒，脹卜卜韓式年糕同餃子滾
見飯意招牌係芝士熔岩蛋漿飯，所以叫左個，不過真係嘛嘛地，主要因為用既芝士偏鹹，比午餐肉鹹好多，午餐肉反而正常比預期，芝士拉絲程度還好，但唔建議試呢個未食既朋友。
另一樣啲人推介但我覺得嘛嘛地既小食拼盤，啲雞翼用既醬酸得太over，炸魷魚圈肉太腍唔彈牙，冇咩鮮味，薯格都可以接受叫脆，香腸味道ok，有啲蔬菜mix入肉中，冇咁heavy。最好食都係芝士吞拿魚蘑菇，味道係眾多小食中最清，唔重口味，有少少鮮甜菇汁。
呢度食飯一定要叫番杯野飲，8成野食都重口味，我叫左杯綜合水果茶，勝左清新唔係落糖漿甜，主要都係生果味帶出。至於朋友既薄荷荔枝茶佢話係佢接受範圍，佢飲得好快，我諗應該ok (我冇試飲)
咖哩漢堡蛋包飯蛋係煎得幾滑，不過內裡既飯唔夠茄汁，冇乜味，好在有咖哩漢堡濃番啲啲，太鬆軟😂結實番啲會更好口感。
如果要係飯意揀出一款最岩芝士迷最鐘意食既芝士野食應該非進擊巨橋，濃湯芝士窩莫屬🙈芝士湯底芝士香濃，亦冇芝士熔岩蛋漿飯芝士咁鹹，配上口感煙韌既手打意粉，慢慢將濃郁芝士湯滲入意粉中交融著，再有爽脆紅椒，黃椒粒，脹卜卜韓式年糕同餃子滾下滾下，好似食緊芝士邊爐。
Ribs個人鐘意燒得香脆啲，同埋我覺得唔夠juicy😖唔知係咪驚芝士濃得制，飯意整呢個冇點調味，主要靠飯意比晚醬汁黎帶出back ribs味道。仲有薯格食，食完包你飽飽。
Post
