恆河咖喱屋 (Closed)

今日1pm幾同2個朋友諗住係筲箕灣食lunch, 朋友提及有關好食既咖哩屋, 但又唔記得實質地址, 所以本來諗住去食安利 or 王林記算數, 但點知行左一陣後, 就巧遇朋友口中既恆河咖哩屋呢, 大家即刻走埋去幫襯啦~~~門面算唔錯~入到去都好彩即刻有位, 我地3個人叫左3個set lunch, 分別係咖哩羊仔腩, 咖哩牛仔腩同埋鐵板雞卷 (1份set包左湯, 主菜, 飯or烤餅, 一杯飲品)忌廉湯, 我覺得麻麻地, 太"結"比較膩....咖哩羊仔腩係3個裡面最辣既一款, 我食左一舊, 肉不多, 但就一定唔羶, 鍾意辣既朋友應該會鍾意呢個菜咖哩牛仔腩好好味, 牛仔腩夠"淋", 唔會"痴"牙, 亦唔會太辣, 內裡既薯仔經油炸, 所以無散開or 變薯蓉, 都好妹味~鐵板雞卷味道都唔錯, 仲有個咖哩汁另上, 呢個咖哩汁味道比較酸~各有特式~烤餅有4大塊, 要趁熱食, 黎到時有煙出, 仲係脆卜卜既, 都非常唔錯呢~臨走時見到真係印度人係度整~ 白飯都係選用珍珠米, 可惜凍左, 比較硬身.....佢既凍飲大大杯, 真係超值~~