曉峰閣 (Closed)

突然間好想食烤肉卷, 所以就用openrice搜尋最近屋企的...搵到呢間埃及菜, 之前食開都係土耳其或者清真之類的...埃及菜還是第一次, 所以就order左兩款烤肉卷 (羊肉&牛肉)因為佢d set lunch雖然係比較平, 但係唔太岩心水...所以揀左貴少少的烤肉卷 ($88) 仲有沙律做伴菜....另外order左兩款凍飲, menu見到個樣好吸引,紅色係洛神茶蜜($2x), 綠色係薄荷葉檸檬蜜($3x)但真係好好飲, 好推介夏天飲係一流...紅色係洛神茶蜜: 雖然係茶包, 但係唔會過酸, 配蜜糖岩岩好...綠色係薄荷葉檸檬蜜: 好香好濃薄荷味, 飲完喉嚨勁舒服呀...烤肉卷既份量真係大到嚇親人, 同我成隻手一樣咁長...同其他舖頭既烤肉卷比較係長一倍有多, 仲要粗好多...其他舖頭係包括ebeneezer 同埋土耳其風格lol佢裡面材料都好豐富架...d肉份量多之餘唔會乾爭爭...係好juicy既, 仲有d青椒粒 (但唔鍾意食可以叫佢走椒)有洋蔥之類, 仲有薄荷醬, 又唔會太重味...但係夾埋一齊又好香口...加上烤肉卷係即叫即做的, 所以塊餅皮會暖笠笠, 食得出係岩岩做出來