百匯酒家 (Under Renovation)

一早起身落筲箕灣飲早茶，諗住叫點心食下。上到去已經好多人，細枱基本上淨翻一兩張，好難得先揾到一張枱。早餐有自選孖寶，叫左一個A餐，蟹籽燒賣王拼蜜汁叉燒腸。同埋一個B餐，鳳爪排骨飯拼皮蛋肉碎粥。粥味道普通，似屋企自己煮嘅質素。排骨飯嘅排骨幾肥，食落排骨味幾香，鳳爪有少少咸。叉燒腸味道唔差但係層皮真係好厚好粉，叉燒唔多，冇乜味，好彩有豉油搭救。燒賣巨伏，好少會食到唔好食嘅燒賣，但上層燒賣好硬，下面好粉，食左一啖已經想放棄佢。以普通茶樓嚟講，價錢唔算貴，本身都覺得可以接受，但係食左個燒賣決定唔推介。建議如果真係食都唔好叫燒賣。