Happy GLAZE

Open Now

Now Closed

今日約咗朋友去旺角朗豪坊食飯，經過見到呢間色彩繽紛Happy Glaze，而門口有好多大大塊曲奇，店舖入面仲有 巨型版牛角酥🥐好有趣好得意😍，仲有多款色彩繽紛嘅蛋糕同特色慕絲杯、布甸杯同奶凍，全部香港製造。✦玉桂蘋果脆脆特大牛角酥 $58香港首創，將牛角包壓扁大大塊薄脆脆、我第一次食😂可以隨時隨地當零食都🉐️，肉桂味香濃，酥脆香甜，加上脆口嘅蘋果乾同脆脆，口感好豐富。✦朱古力碎碎特大牛角酥 $58朱古力迷必食🍫朱古力醬加上海量嘅朱古力碎碎，每一啖充滿朱古力，食到停唔到口🤫呢塊巨型版特大牛角酥真係仲大過我塊面😂✦海鹽朱古力軟曲奇 $40✦海鹽脆脆焦糖朱古力曲奇 $40曲奇🍪一樣超大塊～入面軟心朱古力，外脆內軟✦熱情果芒果慕絲杯 $58熱情果同芒果肉酸酸甜甜中間夾住海綿蛋糕同慕絲口感細滑輕盈✦益力多布甸 $58益力多味嘅布甸好特別下層係慕絲質感滑溜飯後甜品一流👍🏻所有甜品杯 六點後第二杯仲有半價優惠。