Chapter 3 Steak Bar & Restaurant (Closed)

諗住去旺角花墟順便行年宵市場，於是就揀咗呢間西餐廳，店內空間亦算寬敞，有卡位亦有吧檯，環境氣氛輕鬆，不會像傳統扒房般拘僅，夜晚來此飲酒歡聚都唔錯。Black Pink雞翼(4隻) $78餐前小食沒有揀沙律類，反而試了款幾特別的黑色炸雞翼，面層的黑色應該是加入了可食用竹炭粉整成，沒有什麼味道，需要蘸點粉紅色的pink pink醬一齊食，甜甜地又有少少乳酪味，雞肉亦都嫩滑有肉汁，唔錯。脆炸德國蜜糖燒豬手(原隻) $186好大隻原隻燒豬手上桌，真係三個人食唔晒。外皮燒得好脆，連住豐富的皮下骨膠原一齊食，極之香口好味，豬手肉質緊實嫩滑，做得非常之腍，腍到用刀一切即可骨肉分離，豬肉的蜜糖味亦剛好不會過甜。西班牙海鮮飯 $136單是擺盤已經好靚，大大隻虎蝦及青口放在飯面上，感覺好豐富，色香味都有，海鮮飯煮得幾入味，吃時加點檸檬汁，味道更香鮮。西班牙辣肉腸火腿薄餅 $116薄餅餅底都幾脆口，面層就鬆鬆軟軟，雖然是辣味肉腸不過唔算太辣，咸咸香香，加埋火腿及芝士，惹味可口。以上主食+$22可包湯及飲品如果是特飲，則按特飲價錢減$10紫薯鮮奶 $42(正價)入口已有香濃的紫薯味，幾甜，好順口。