LM Cafe (Closed)

好耐無約媽媽出街食好野啦。作為孝順女既我，當然要揀間好味又健康既餐廳啦。之前聽朋友講佢返工附近有間好味又抵食既冰室，叫龍門冰室。我上openrice睇又真係好多好評，所以放工就約媽媽在觀塘等。唔太熟觀塘既我開google map搵，終於俾我搵到。門面有個大牌寫住龍門冰室，而全店外面都被餐牌包圍，我諗應該會有好多選擇！果然，本menu超厚，而且每頁都有層膠保護住。我見到有一啲好特別既食物，例如玉子燒，通常都係日本或韓國餐廳先見到。而且這裡有花茶。原本打算點地中海之戀，不過餐廳當晚無提供呢款丫，有點可惜。。因為睇落好似好好味。先上餐湯，係羅宋湯，第一反應係「好大碗呀！」飲落辣味剛好，而且疏菜足料，蕃茄味濃，好正原本以為飲唔晒，點知最後無剩呢。黑松露西蘭花亦不錯，菜好新鮮，配上芝士同黑松露醬好夾。雞翼係蜜糖味，雞肉好滑，亦夠蜜糖味，不過個人認為炸或煎味道可能會更好！主菜終於上場啦，係西冷配香草腸。見到這裡有龍蝦汁幾特別，所以選了。果然不錯，甜甜地，跟飯同西冷好夾。西冷有兩塊，好嫩滑；腸亦有一大條，味道不錯。份量超大，好彩我地有兩個人。配埋柚子蜜就好滿足了