阿一豬扒酸辣米綫

Open Now

Now Closed

睇到食評話d豬扒好好食。咁就決定一試！豬扒雞翼餃子薯粉，湯既味道一般，雞翼豬扒炸得唔太乾，餃子味道尚可，d薯粉多到可以兩個人食！酸菜好開胃薯粉彈牙，比起外間食到既粗身，口感好好。魚腩上海麵，魚湯偏淡，份量可以，無特別，普普通通。同上…d麵多到可以分兩碗。炸韭菜餃，皮薄，餡料足，夠熱脆口餡有少少汁，味道合理，不大驚喜。麻香雞絲海蜇，偏甜唔辣少麻香，雞絲鞋口，海蜇算爽，有少少咸菜，花生粒，好特別。以價錢而論，真係抵食夾大件，味道就普通，一試無妨，睇下岩唔岩自己口味。眼見枱枱碗麵/飯都有食淨，如果唔係太大食，可以叫減量，我自問大食，都食淨3份1，真係唔想浪費。