Video
Read full review
2024-11-26
223 views
《別忘了 - 大埔》喺正屋企附近，開左一段時間都未有機會去試，諗住出左糧帶屋企人黎打邊爐食個晚餐😤但原來我細佬已經自己自私食過幾次☹️仲好似好Pro咁同我介紹有咩係必食，所以最後我地四人行一齊去左呢度食晚飯💸💸揀左人均$308既澳洲M7牛胸腹任食兩小時套餐，Daddy Mami夠左60歲仲可以以優惠價$228任食添👍🏻屋企人開心，值呀！揀左鍋底之後，我地就用餐廳供應既QR code 點肉同埋其他熟食或火鍋配料，台式飲品都係任叫架😍連平日既珍珠奶茶、奶蓋茶都係任叫的👍🏻超正，叫埋野食仲可以出自助吧拎蔬茶同丸類旁邊仲有台式炸物可以當餐前前菜，但要食回本既話記住食少啲炸野🤫湯底方面，我地四個人選擇左兩個鴛鴦鍋，分別有壽喜燒、椰子雞、麻辣同埋沙茶湯底麻辣湯底個辣都幾勁下🫣建議食唔到辣既人要慎叫！不過配埋麻辣鴨血其實係幾正的，我都食左好幾round🤗以下係我地食左兩個鐘後覺得可以專攻回本必食的：🔹醃蘿蔔 <—酸酸甜甜勁開胃，我Daddy起碼食叫左十份🔹蘭王生雞蛋<—每位客人只可享有一隻，用黎點牛肉或配壽喜燒汁勁夾🔹麻辣鴨血<—辣得黎好好食，浸湯食仲好味😋🔹澳洲M7牛胸腹&#
喺正屋企附近，開左一段時間都未有機會去試，諗住出左糧帶屋企人黎打邊爐食個晚餐😤
但原來我細佬已經自己自私食過幾次☹️仲好似好Pro咁同我介紹有咩係必食，所以最後我地四人行一齊去左呢度食晚飯💸💸揀左人均$308既澳洲M7牛胸腹任食兩小時套餐，Daddy Mami夠左60歲仲可以以優惠價$228任食添👍🏻屋企人開心，值呀！揀左鍋底之後，我地就用餐廳供應既QR code 點肉同埋其他熟食或火鍋配料，台式飲品都係任叫架😍連平日既珍珠奶茶、奶蓋茶都係任叫的👍🏻超正，叫埋野食仲可以出自助吧拎蔬茶同丸類
旁邊仲有台式炸物可以當餐前前菜，但要食回本既話記住食少啲炸野🤫
湯底方面，我地四個人選擇左兩個鴛鴦鍋，分別有壽喜燒、椰子雞、麻辣同埋沙茶湯底
麻辣湯底個辣都幾勁下🫣建議食唔到辣既人要慎叫！不過配埋麻辣鴨血其實係幾正的，我都食左好幾round🤗以下係我地食左兩個鐘後覺得可以專攻回本必食的：🔹醃蘿蔔 <—酸酸甜甜勁開胃，我Daddy起碼食叫左十份
🔹蘭王生雞蛋<—每位客人只可享有一隻，用黎點牛肉或配壽喜燒汁勁夾
🔹麻辣鴨血<—辣得黎好好食，浸湯食仲好味😋
🔹澳洲M7牛胸腹<—放心狂叫，口感好軟滑，回本必食
🔹台式墨魚滑<—有粒粒墨魚肉，食落彈牙，可encore
🔹精選牛板腱<—肉味相對濃味，我覺得同樣幾好食，我地都食左兩round 呢款肉
🔹茶美豚梅肉<—媽咪幾喜歡，薄切得黎入味幾軟嫩🔹粟飼豬梅片<—味道唔算好出，但食落彈牙，口感幾特別
🔹鳳梨雪花冰<—呢個冰可以食兩三個😛鳳梨糖漿微甜唔會太膩，配埋芋圓、粉粿等煙韌食材幾好味😋
🔹檸檬愛玉凍<—Daddy話酸酸甜甜幾解膩，細細份既好處係唔夠先再加，啱曬我屋企人咁眼闊肚窄既人
手🔹小芋圓奶茶<—平時出去飲一杯都三四十蚊，佢呢度係任食😌小芋圓幾彈牙，好味
🔹巨版波波奶茶<—巨大杯，飲成晚都仲得呀，我諗一杯等於平日飲既三杯
Post
