Video
Read full review
2024-02-27
40 views
又是偽台妹去食台灣嘢嘅時候，今晚約了保險經紀傾嘢，所以揀間比較寧靜舒適嘅食店。呢間店對出是將軍澳海傍，半開放式空間感覺不會侷促，可選坐戶外或室內，座位檯面都非常寬敞。戀上酸菜魚 $238雖說明明是想要食台灣嘢，但來到後又被餐牌上的酸菜魚所吸引，改變心意揀了酸菜魚。除可選大中小辣度外，亦可選大中小麻度。整盤酸菜魚上檯真有嚇一跳嘅感覺，真係好大盤，3至4個人食都可以。魚片份量算多，肉質滑嫩無細骨，吸滿湯汁精華，再飲啖微酸微辣的湯，加埋酸菜一齊食，份外開胃，配料仲有雲耳、紅薯粉、芽菜及豆卜等，真係多到食唔晒。戀上蚵仔魯肉飯 $88由於唔知酸菜魚份量原來咁大，仲點了碗蚵仔魯肉飯，不過呢碗魯肉飯又幾好食喎，尤其蚵仔粒粒都脹卜卜，咬落幾乎都爆汁，好味道！還附送了麻辣雲耳、花生及藕片作前菜。鹽酥大大雞扒 $78雞扒水準亦OK，是台式古早味的炸雞扒，其炸粉令雞皮份外酥脆，雞肉肉質仍嫩，不會太乾身。Pinku Pinku $40超級適合打卡的飲品，成杯粉紅色簡直令人少女心爆發，其實係一杯玫瑰荔枝鮮奶冰，味道偏甜但幾好飲。朱古力咖啡 $25朱古力味太重，反而完全蓋過咖啡的味道，不過都OK好飲的。提一提，呢
戀上酸菜魚 $238
雖說明明是想要食台灣嘢，但來到後又被餐牌上的酸菜魚所吸引，改變心意揀了酸菜魚。除可選大中小辣度外，亦可選大中小麻度。整盤酸菜魚上檯真有嚇一跳嘅感覺，真係好大盤，3至4個人食都可以。魚片份量算多，肉質滑嫩無細骨，吸滿湯汁精華，再飲啖微酸微辣的湯，加埋酸菜一齊食，份外開胃，配料仲有雲耳、紅薯粉、芽菜及豆卜等，真係多到食唔晒。
戀上蚵仔魯肉飯 $88
由於唔知酸菜魚份量原來咁大，仲點了碗蚵仔魯肉飯，不過呢碗魯肉飯又幾好食喎，尤其蚵仔粒粒都脹卜卜，咬落幾乎都爆汁，好味道！還附送了麻辣雲耳、花生及藕片作前菜。
鹽酥大大雞扒 $78
雞扒水準亦OK，是台式古早味的炸雞扒，其炸粉令雞皮份外酥脆，雞肉肉質仍嫩，不會太乾身。
Pinku Pinku $40
超級適合打卡的飲品，成杯粉紅色簡直令人少女心爆發，其實係一杯玫瑰荔枝鮮奶冰，味道偏甜但幾好飲。
朱古力咖啡 $25
朱古力味太重，反而完全蓋過咖啡的味道，不過都OK好飲的。
提一提，呢間係寵物友善餐廳，而且又靠近海傍，閒時放狗散步來此食餐飯或Hea下都幾寫意架！
Post
