緣味小聚 (金百利廣場) (Closed)

打完風天氣開始凍，係時候可以打邊爐，所以放工就同男朋友黎試下呢間蒸氣海鮮火鍋放題。蒸氣海鮮既海鮮有幾款，入面最最最難忘就係果隻超大既龍蝦😍龍蝦勁大隻，真係有成隻手板咁長，仲要估佢唔到係有膏，龍蝦膏好creamy，龍蝦肉就夠晒鮮嫩，蒸得岩岩好，超級鮮味！！火鍋跟住就黎，任食火鍋真係慢慢食到飽，入面連澳洲M5和牛都有🤩和牛肉質超級嫩滑，軟嫩無比，牛味又濃，雪花紋岩岩好，勁抵食！火鍋另外一啲蔬菜都好好食，蔬菜都好新鮮，好清新，夠晒fresh！食緊火鍋途中仲試埋佢地既點心，點心即叫即蒸，都係任食，試埋就岩🤪試佐黑金流沙包，濃香既奶黃一咬就流晒出黎，香甜美味，奶黃餡奶香十足，仲有少少咸蛋黃，多佐份咸香，熱辣辣好好食！