Video
Read full review
2017-02-17
221 views
自從去完東京翻嚟，喂食妹就一直都心郁郁好掛住日本美食！最近留意到鐵人旨花係西環開咗一家專食魚生丼飯嘅鋪頭，我又點會汁輸呢～鋪頭細細，但裝修得幾好feel。Menu選擇唔算多，主攻丼飯，燒物 ，卷物同炸物。無諗到嚟到唔係食魚生飯，我係比鰻魚吸引住！長燒鰻丼一尾吸目到一百分，好大條鰻魚呀嗚！勁厚身同長身，外觀有滿滿嘅燒汁同燒到金黃色。口感帶小許咬口，唔係好淋身嘅個種。燒汁燒得好入味嘅，份量大到好似食扒咁要用刀叉食呀！另外仲叫咗個炸物虎蝦天婦羅虎蝦大大隻，蝦頭同蝦身已經細心分開咗，蝦身分開咗幾件，方便可以一啖一舊。炸漿薄身，炸得好金黃。蝦身啖啖肉，肉質彈牙又厚實，真材實料。連蝦頭都炸到好甘香，好脆！價錢正路，坐得舒服，而且用料有質素！打打下文都好掛住條鰻魚呀！
最近留意到鐵人旨花係西環開咗一家專食魚生丼飯嘅鋪頭，我又點會汁輸呢～
鋪頭細細，但裝修得幾好feel。Menu選擇唔算多，主攻丼飯，燒物 ，卷物同炸物。
無諗到嚟到唔係食魚生飯，我係比鰻魚吸引住！長燒鰻丼一尾
吸目到一百分，好大條鰻魚呀嗚！勁厚身同長身，外觀有滿滿嘅燒汁同燒到金黃色。
口感帶小許咬口，唔係好淋身嘅個種。
燒汁燒得好入味嘅，份量大到好似食扒咁要用刀叉食呀！
另外仲叫咗個炸物
虎蝦天婦羅
虎蝦大大隻，蝦頭同蝦身已經細心分開咗，蝦身分開咗幾件，方便可以一啖一舊。炸漿薄身，炸得好金黃。
蝦身啖啖肉，肉質彈牙又厚實，真材實料。連蝦頭都炸到好甘香，好脆！
價錢正路，坐得舒服，而且用料有質素！打打下文都好掛住條鰻魚呀！
Post
