諾亞半熟蛋糕專門店 (Closed)

年廿九去維園行完花市，就梗係去大坑搵食啦！今日行過諾亞半熟蛋糕專門店發現佢地出左新野！就係巨lin哥既杯子蛋糕啦＄48/一杯 ＄86/兩杯。身為貓奴既我就諗都唔諗就買左2杯啦，因為2隻杯都唔同架！儲夠一對就可以同我屋企人"些牙"一齊好sweet咁用啦！e～ 其實都真係可以當作情人節禮物wor！ 杯子蛋糕比平時的份量要少一點不過一個人食的話就會係岩岩好，而且都十分足夠！一黑一黃，就係朱古力味同蜂蜜味，其實我未食過架所以我好緊張呀 ！店員話返要叮1分鐘先食得架，如果雪過，就拎出嚟放涼後叮，拎到返屋企先慢慢嘆先。店員好細心地將2隻杯子蛋糕放入細盒入面，個位岩岩好，拎到返屋企都唔會散曬。 跟住仲有個靚靚既黃色袋裝住，搞到我係返屋企途中係咁比人望下望下 －＿－ 返到屋企lu ~叮1分鐘後~打開門有好濃朱古力味，叮後快高長大咗！筆落仲好鬆化，食落就有濃朱古力味，有少少朱古力苦澀，蛋糕別後都仲濕潤，溫暖咁食，好鐘意 ~叮後~打開微波爐門就聞到清香蜂蜜味，味道比朱古力味更香，蛋糕身沒有再長高，但仍然鬆輕，食落口蜂蜜味無聞到的咁重，但都好清新，甜甜地感覺好滋潤。