一樓咖啡室 (Closed)

今日行街，行累了就到就近怡東酒店食自助午餐。我哋被安排坐喺kids corner, 好嘈囉! 好多小朋友走嚟走去。侍應倒左杯水,但個杯勁多跡食物款式不多，雖然唔知咩主題，但我見有泰式沙律，四川水煮魚，印度咖哩食品…我可以估計係多國美食。其中沙律不錯，有幾款已撈好的沙律供選擇-吞拿魚沙律，烤牛肉沙律，豬肉沙律。另外亦有沙律配料如粟米，黑豆，多種蔬菜供自行配搭。其實熱食部份就唔係好吸引到我喇!事關嗰啲越南春捲、胡椒豬肚湯、粉絲南瓜我覺得個賣相唔討好。 所以我行咗好多次，都冇夾到。食物名牌冇放係當眼位咖哩嗰部份更加唔使預我喇 !一啲興趣都冇仲有一啲粥粉麵，都係丸類，冇驚喜。我都係專攻甜品，榴槤芝士蛋糕做得最出色，入口有芝士味和好濃烈榴槤味，我想等佢清哂第一盤再出第二盤個陣再攞，好可惜唔夠時間。芝士蛋糕味道適中，餅底都可以。至於榴槤菠蘿包，入口有榴槤香味，但菠蘿包皮是凍又唔脆。