Video
Read full review
2018-03-04
184 views
星期日下午2點半，見旁邊嘅板長大排長龍，又見呢間食評不錯，所以就諗住一試。食過之後就可以100%肯定，呢度啲好評全部都係打手！首先，我見列佢餐牌原本寫住係「免收加一服務費」但係用黑色筆塗咗，好心就印過一張啦⋯⋯咁俾人第一感覺好差。叫人落單，叫咗3次先有人過嚟⋯⋯成間餐廳得一半枱係有人坐，都可以咁嘅服務，真係不知所謂。落單講咗一次「要滑蛋吉列豬扒飯（$78）同四色刺身丼（$118）」，個姐姐仔覆單竟然問我：淨係叫一個餐？我再重複一次，「仲有個滑蛋吉烈豬」⋯⋯咁嘅服務都仲要加一，離哂譜朋友叫咗吉列豬，睇個賣相好似唔錯，啲蛋都無乜問題，點知一食塊豬扒就出事⋯⋯真係「皮厚肉薄」塊皮係豬扒嘅2倍厚度⋯⋯真係食到豬扒嘅尾尾，都唔知食幾耐先食到真係有肉⋯⋯而我自己就叫咗個極上四色刺身丼飯，個碗比想像中仲要細。蝦仲有大大條腸未清走⋯⋯而三文魚竟然係三文魚碎片咁，勁細塊，似一粒粒咁，但因為一開始佢疊在一齊，所以睇唔出係碎片⋯⋯總結呢間野真係，一定唔會再去！
首先，我見列佢餐牌原本寫住係「免收加一服務費」但係用黑色筆塗咗，好心就印過一張啦⋯⋯咁俾人第一感覺好差。叫人落單，叫咗3次先有人過嚟⋯⋯成間餐廳得一半枱係有人坐，都可以咁嘅服務，真係不知所謂。落單講咗一次「要滑蛋吉列豬扒飯（$78）同四色刺身丼（$118）」，個姐姐仔覆單竟然問我：淨係叫一個餐？我再重複一次，「仲有個滑蛋吉烈豬」⋯⋯咁嘅服務都仲要加一，離哂譜
朋友叫咗吉列豬，睇個賣相好似唔錯，啲蛋都無乜問題，點知一食塊豬扒就出事⋯⋯
真係「皮厚肉薄」塊皮係豬扒嘅2倍厚度⋯⋯真係食到豬扒嘅尾尾，都唔知食幾耐先食到真係有肉⋯⋯
而我自己就叫咗個極上四色刺身丼飯，個碗比想像中仲要細。蝦仲有大大條腸未清走⋯⋯而三文魚竟然係三文魚碎片咁，勁細塊，似一粒粒咁，但因為一開始佢疊在一齊，所以睇唔出係碎片⋯⋯
總結呢間野真係，一定唔會再去！
Post
