荳子烘焙

Open Now

Now Closed

一開頭等咗陣位，有個職員就叫我哋點餐付款先。然後就帶咗遲過我哋排隊嘅人入座先，安排失當。嗌咗一份菠菜煙肉班尼迪蛋酸種吐司，一份手撕豬仔骨班尼迪蛋酸種吐司，一杯牛奶咖啡，一杯凍水果冰茶。然後攞咗號碼牌，職員就安排咗另一個位俾我哋，帶我哋入座。過咗八分鐘，就上咗兩杯嘢飲我哋。之後再過咗3分鐘就上咗兩份吐司。但係其中有一份上錯咗隔一枱嘅牛角包，我嗰份吐司就俾咗佢。又要搵職員安排。餐具係要自己拎嘅。個煙肉鹹到好似鹹魚乾咁。個手撕豬仔骨就甜甜地嘅，麻麻地。兩份吐司味道都一般。食食下仲食到有一堆蛋殼。牛奶咖啡非常澀。果茶就ok。不過整體嚟講係十分之差，唔會再嚟。