Video
Read full review
2023-11-11
228 views
黎呢度嘅主要原因係因為屋企老人家話之前喺附近經過 見到有間蒸飯 所以今次再過嚟元朗 想黎試一試 本身一入門口 已經見到店面感覺有啲污糟 地板多污漬 見到店員用毛巾抹過嘅枱面係肥淋淋 即時觀感已經唔係幾好 但因為費事老人家再周圍走揾嘢食 所以都係選擇坐低 安置左兩位老人家之後 我離開左間店去接另一位家人 翻到鋪頭 知道兩位老人家已經自行落左自己份量嘅菜式 因為佢哋食得少 所以只係叫左一籠廚師推介嘅梅菜扣肉飯 同求其叫多碟菜 而佢哋應該都係只係見到牆上大大隻字貼住 所以先叫 同埋佢哋因為太老 睇唔到清楚菜單 係用口頭方式告知店員去落單 過左大概10分鐘之後 我同另一位家人翻到間店 開始落我哋想食嘅餸 我哋叫左六小碟 春風得意腸 班蘭千層糕 同椰皇燉鮮奶 店員過左兩分鐘之後同我哋表示無哂椰皇燉鮮奶 問我轉唔轉熱雙皮奶 我心諗 可以賣晒 咁應該質素都唔差 點知一上到枱 嘩 皮都無層 普通奶凍咁 算啦 可能味道OK 一食落口 面頭只係稍暖嘅温度 底層係凍嘅 仲要係好大陣大陸假奶味 係有陣似鐵銹又唔知點形容嘅味道 呢個時候已經距離兩位老人家大概有半個鐘嘅時間 老人家見到我後來先上岸已經有些少不滿
本身一入門口 已經見到店面感覺有啲污糟 地板多污漬 見到店員用毛巾抹過嘅枱面係肥淋淋 即時觀感已經唔係幾好 但因為費事老人家再周圍走揾嘢食 所以都係選擇坐低
安置左兩位老人家之後 我離開左間店去接另一位家人 翻到鋪頭 知道兩位老人家已經自行落左自己份量嘅菜式 因為佢哋食得少 所以只係叫左一籠廚師推介嘅梅菜扣肉飯 同求其叫多碟菜 而佢哋應該都係只係見到牆上大大隻字貼住 所以先叫 同埋佢哋因為太老 睇唔到清楚菜單 係用口頭方式告知店員去落單
過左大概10分鐘之後 我同另一位家人翻到間店 開始落我哋想食嘅餸 我哋叫左六小碟 春風得意腸 班蘭千層糕 同椰皇燉鮮奶 店員過左兩分鐘之後同我哋表示無哂椰皇燉鮮奶 問我轉唔轉熱雙皮奶 我心諗 可以賣晒 咁應該質素都唔差
點知一上到枱 嘩 皮都無層 普通奶凍咁 算啦 可能味道OK 一食落口 面頭只係稍暖嘅温度 底層係凍嘅 仲要係好大陣大陸假奶味 係有陣似鐵銹又唔知點形容嘅味道 呢個時候已經距離兩位老人家大概有半個鐘嘅時間 老人家見到我後來先上岸已經有些少不滿 但考慮到個飯可能要多少少時間 所以決定等多陣 後尾我叫嘢都黎得七七八八 先至去催個飯
但原來店員跟本無落單 同廚房拿拿臨溝通完之後 竟然同翻我哋講 話佢哋太忙 唔寫紙落單嘅話佢哋跟唔到 但講翻其實佢間店都係10張枱左右 如果只係兩樣嘢都做唔到口頭落單 係咪可以即時告知客人要求寫紙落單 或者係先用紙仔寫低 轉頭再落其實都無問題？ 而且就算我哋第二批用紙落嘅單 都係要逐樣同廚房跟翻 先至準確 先至知道
有咁嘅服務 可想而知食物嘅質素都係差到貼地 我真係好費解點解今時今日香港會有咁嘅餐廳 我自己都做過飲食業 知道箇中既辛苦 但今次嘅體驗真係差到極點 令我真係無辦法無留低評價 希望如果好想食蒸飯嘅人三思 如果店家見到嘅話 都希望可以作為參考 共建和諧美好嘅香港 謝謝
Post