Video
Read full review
2022-09-03
74 views
上一手鋪位叫whitewood cafe,之前都有幫襯開，因為改左名之後食物環境都無變過，所以估計係改左名/轉手。星期6,3個人，1:30去到，預左要等位，問侍應使唔使拎飛，佢話唔使就咁排隊就得，前面大概有四至五group 人等緊，每台大約二至四個人嘅人等緊，我哋三個人，後面個台排緊六個人,我地排尾2.排咗大概九個字，開始有人走放到人入去,但係只限於放兩個人既客，如果你係四個人，只能夠繼續排隊.排隊嘅期間，有好多一個人或者兩個人嘅人，唔使排隊就直入，帶位男侍應一見到有吉台，就想盡辦法想將啲一位或者兩位嘅客塞晒落去，完全冇諗過要keep起某一啲位for四個人嘅客。如是者終於等到下一張係我哋，咁啱就有人開始走，然後佢又放咗啲一個人嘅客入去坐，你睇得出佢根本冇諗住要留一啲大枱俾你.最後咁啱又有一台客食完，佢能夠將張枱執出嚟，然後我哋諗住我哋入到去，個男待應竟然同我哋講：我想比六個人入咗去先，你哋再等吓睇吓四個人嗰啲幾時走.佢此舉令我地同埋後面個6個人都嘩然，我問佢點解唔係俾我哋入去坐住食住先，然後都有四人枱我哋就掉位，咁你咪可以free出嚟比六個人，佢話總之就係要比六個人先，你想坐就比兩個位
星期6,3個人，1:30去到，預左要等位，問侍應使唔使拎飛，佢話唔使就咁排隊就得，前面大概有四至五group 人等緊，每台大約二至四個人嘅人等緊，我哋三個人，後面個台排緊六個人,我地排尾2.
排咗大概九個字，開始有人走放到人入去,但係只限於放兩個人既客，如果你係四個人，只能夠繼續排隊.排隊嘅期間，有好多一個人或者兩個人嘅人，唔使排隊就直入，帶位男侍應一見到有吉台，就想盡辦法想將啲一位或者兩位嘅客塞晒落去，完全冇諗過要keep起某一啲位for四個人嘅客。如是者終於等到下一張係我哋，咁啱就有人開始走，然後佢又放咗啲一個人嘅客入去坐，你睇得出佢根本冇諗住要留一啲大枱俾你.
最後咁啱又有一台客食完，佢能夠將張枱執出嚟，然後我哋諗住我哋入到去，個男待應竟然同我哋講：我想比六個人入咗去先，你哋再等吓睇吓四個人嗰啲幾時走.
佢此舉令我地同埋後面個6個人都嘩然，我問佢點解唔係俾我哋入去坐住食住先，然後都有四人枱我哋就掉位，咁你咪可以free出嚟比六個人，佢話總之就係要比六個人先，你想坐就比兩個位你坐下。
最後我哋冇食到就走咗，雖然已經用咗一個鐘時間去等，但係我覺得佢哋嘅服務態度同埋安排係唔值得去消費,真心唔會推薦任何朋友去食，我自己都永遠不了，即使之前一路都有食開呢一間野，呢一次嘅體驗真係令人難以忘懷。
好想呢間餐廳知道一樣野，當市道唔好既時候，你想人地支持你，同你共渡時艱。
到市道好返既時候，你選擇用一副唔憂做既態度去營運。真心，不了。
Post