唐包點

Open Now

Now Closed

近中秋比較忙，夜晚要留係公司加班，又唔想食飯，於是就諗起落中環地鐵站內近K出口間『唐包點』，買咗個菜肉包及饅頭，價錢係中環嚟講，真係好抵！分別只係$7及$5，當俾完錢後，店員打開蒸櫃門取包時，竟然見到每個包都已一早用紙包住咗，張紙摸落又唔會濕，只摸到熱，而且張紙仲印咗包嘅名，如果買得多返去食，都唔驚食錯，就算請同事食，都覺得好乾淨，好方便！唯一覺得不太環保，而用紙袋入起嘅蒸包，感覺好似食緊西式包咁。當我打開包裝紙後，第一時間食饅頭先，因為饅頭無餡，可以最快食到蒸包嘅麵粉味，然後再食菜肉包，未食菜肉包都已聞到菜肉嘅香味。總結：價錢超抵，味道都可以，唯一就係蒸包嘅外層塊皮唔夠軟，有啲硬，而饅頭內層如果可以再鬆軟啲，咁就真係“平、靚、正！