水巷茶弄

Open Now

Now Closed

每次都買熱🔥黑糖薑母奶、熱🔥朱古力，之前一男一女嘅員工仲整得好哋哋。自從上次開始，係另一個女員工整嘅熱黑糖薑母奶，同時買咗熱朱古力，買埋膠袋，因為裝係膠袋入面，當時冇為意。返到屋企先發覺居然杯熱黑糖薑母奶係加冰嘅，好，我當你落錯單，算，誰不知超級難飲，當堂duang咗。今日我又去買熱黑糖薑母奶，熱朱古力，今次冇加膠袋，拎係手，發覺杯熱朱古力隻杯身係有熱飲嘅感覺，而杯黑糖薑母奶係常溫偏凍嘅。我問個女員工，杯薑母奶唔熱喔。佢依然係講嗰句，我哋嘅熱飲係60度嘅。呃人呃成咁樣，明明兩杯嘢，相同嘅杯，相同熱飲，一杯熱熱哋，另一杯唔熱，都夠膽死話熱。我心捻，既然你咁肯定，我信埋你呢次，幾分鐘後我插條飲筒入去飲，真係極度失望，凍冰冰，難飲到死。買個時都好聲好氣，反覆確認落單。但係做嘢做到咁求其，唔認自己做錯，真係離曬大譜