一如鐵板燒

Open Now

Now Closed

真心講，之前食過真係唔差。所以我男朋友生日返去再食。皆因我哋兩個都住大埔又唔想去到出邊食。之前食過同銅鑼灣質素都有得比。我哋叫咗個鮑魚餐，同之前食開都係有手板咁大。最大問題係師傅冇問過我哋想點樣食。切出嚟又厚身，好硬身。其實如果畀得起$2000個價錢嘅套餐，起碼都應該同我地溝通下，特別係鐵板燒。師傅又問我地嘢食夠唔夠味，原本覺得鐵板燒點煮都唔會差得去邊，博燒牛肉，飯完全係冇味道。要係咁加醬油同鹽，可能我本身好重口味。師傅只掛住同隔離枱客飲酒傾計，我都唔好意思出太多聲。應該係轉左師傅，真心講之前真係冇咁差。我以後都唔會再返去食，太差。