合集良飲 (Closed)

十問九唔應，態度超差，叫杯野者，點解嘥時間寫咁多野？如果喺鳳德邨行過咪睇吓。話說，當時只有我在櫃枱前，見到得一位職員整緊另一張單，所以等左一陣，睇吓餐牌，點知等左幾分鐘都冇反應，咪叫聲佢，等佢知道有客囉，點知叫左三四聲都冇反應，擰都冇擰過頭過嚟望吓，好奇心驅使下，再等，想睇下佢究竟幾時先理我，卒之再過幾分鐘，佢先慢條斯理行過嚟落單，由頭到尾冇表情冇講嘢，收完錢就擰過去整，但又唔知過左幾耐，都未整到俾我，叫左佢幾聲，依然冇反應冇擰過嚟，如果唔係俾左錢，真係一走了之，卒之，有啦，但我order左三分甜，點知甜到爆，唉，冇番轉頭同佢講，嘥時間嘥錢，希望只係我有咁差經驗啦，真係唔知點做生意😒😒😒