陳師傅自製點心專門店

Open Now

Now Closed

今日經過見到呢間點心就入左去食。門外冇人排隊，一行兩人坐左係中間普通枱(唔係卡位)，叫左壺菊花茶，手機scan QR code落單，等野食同食緊野既時候，聽到個外形類似老闆既人係到刻sell自己啲野食，又話呢個金絲菊花係我地全香港獨有，隔離枱上左個叉燒包又話啲叉燒都係我地自己整，係樓面又不斷小爆啲姐姐。我地食食下野，又夾硬推塊隔板縮細張枱再擺兩個位(大前提係後面有位，門口冇人排隊)野食真係一般過一般，唐記都好食過佢！蝦餃個皮蒸到好似溶左咁，蝦腸啲蝦冇蝦味，薄撐唔薄麵粉多，鮮竹卷個腐皮硬既，牛肉球勁粉。未食前影左三張相，食左之後完全唔值得去影，影黎都浪費手機啲位。同埋呢檔野全程係趕客feel，澳牛都好過佢，唔會再有下次！