Video
Read full review
2008-11-17
77 views
未寫內容之前已經要比3個嬲爆既表情，事緣星期六晚同壽星女去唱k慶祝，book左5人房點知去到入房，間房最多坐到3個半人連放袋既空間。佢話可以坐到4-6人喎，講都唔信啦！同著黑色西裝既哨牙女職員理論，個職員淨係不斷叫我地坐住先，話"盡量"安排大d既房比我地，又話星期六係咁上下！？我地5個死都唔肯入房，過左海就係神仙啦！經過同幾個職員理論，最後男經理妥協安排左一間稍為"大少少"既房比我地。坐低唱左一陣就叫野飲，男同事因為有病要飲熱水，叫職員比熱水佢，點知叫左好幾次都冇人比，"哦"左一聲就算！玩到中途加多1個人總共6個人唱k，叫佢轉房，轉左大半個鐘先有人幫我地轉，臨轉房前我同肥男侍應講我地剛剛叫左香檳同借火機，唸住提醒佢如果來既話記得幫我地轉拿去新房。點知個侍應好大反應同煩嫌既表情，串串貢咁話"你坐左過去先啦，一陣再去做好唔好？"我即時解釋比佢聽唔係要點佢做野，我只係純粹提醒你。一肚氣唱到第二朝4點，個女廁污糟到無人有，有屎既廁紙係地下，成個大垃圾桶都堆滿抹手紙無人清潔，個洗手盤仲要起"san"，仲差過商場既廁所。走廊地板超污糟，一攤攤糖水污漬無人清潔，仲要有人飲醉嘔到一地都係！是晚總共每人
未寫內容之前已經要比3個嬲爆既表情，事緣星期六晚同壽星女去唱k慶祝，book左5人房點知去到入房，間房最多坐到3個半人連放袋既空間。佢話可以坐到4-6人喎，講都唔信啦！同著黑色西裝既哨牙女職員理論，個職員淨係不斷叫我地坐住先，話"盡量"安排大d既房比我地，又話星期六係咁上下！？我地5個死都唔肯入房，過左海就係神仙啦！經過同幾個職員理論，最後男經理妥協安排左一間稍為"大少少"既房比我地。坐低唱左一陣就叫野飲，男同事因為有病要飲熱水，叫職員比熱水佢，點知叫左好幾次都冇人比，"哦"左一聲就算！
玩到中途加多1個人總共6個人唱k，叫佢轉房，轉左大半個鐘先有人幫我地轉，臨轉房前我同肥男侍應講我地剛剛叫左香檳同借火機，唸住提醒佢如果來既話記得幫我地轉拿去新房。點知個侍應好大反應同煩嫌既表情，串串貢咁話"你坐左過去先啦，一陣再去做好唔好？"我即時解釋比佢聽唔係要點佢做野，我只係純粹提醒你。
一肚氣唱到第二朝4點，個女廁污糟到無人有，有屎既廁紙係地下，成個大垃圾桶都堆滿抹手紙無人清潔，個洗手盤仲要起"san"，仲差過商場既廁所。走廊地板超污糟，一攤攤糖水污漬無人清潔，仲要有人飲醉嘔到一地都係！
是晚總共每人比$170去受氣兼谷氣。$148人頭費+$8版權費，又話生日0個個免費(但要5位入場)，仲話有指定信用卡或學生証有人頭費9折。點知埋單就話只可以2擇其1，有氐日免費就冇人頭9折，我嬲到當場話佢取巧，佢就一副話之你既態度！
總括來講，以一間連鎖卡啦ok來講，咁既服務態度、收費，要評分u係最差，我唸佢都拿梗u ！講環境，我仲以為自己去返10幾年前既私竇卡啦ok，講服務，人地以前服務仲好過佢多多聲！
呢間卡啦ok係我有史以來覺得最最最最最最最最最最最......差既一間，除非佢轉晒職員同大裝修啦，仲要好好改變下公司管理制度，否則只會比人感覺佢都仲係未夠班做卡啦ok一哥！
Post