Video
Read full review
2009-10-03
57 views
今晚太座牛一幫襯萬豪自助晚餐，食後感得一個字：劣！先講食物：壽司唔夠新鮮，種類唔多，一般大路野，無醋味既飯好硬同好似未熟，連 Wasabi 都帶苦澀味。唔怪得個 counter 無乜人氣，長期有得供應，食 3 件即放棄。刺身無上枱，要開口問先係咁二畀幾件你，又係一般中下質素。冷盤都係大路野，生蠔（普通）、蝦（好細）、細蟶子同螺（算 O.K.）、蟹腳（無味、無提供食蟹用具、無餐紙巾同無濕毛巾抺手），燒牛肉（太熟、乾身同無汁）、即叫即做 pasta 居然係淡而無味（有無攪錯），熱盤少兼係冷門野（全無吸引力）、印度咖喱太稀普普通通無驚喜、Nan Bread 剪到好似餅乾咁細塊同凍唔好食（印度㕑師駐場）、芝士太乾，無葡萄伴芝士，餅乾走晒氣好林、唯一好味少少係串燒沙嗲同椰汁海鮮湯、即叫即做 crepe 選料少、甜品種類又係少到嚇人、西瓜色好淺（全無西瓜味，百佳賣 $6.9/個美人西瓜仲好味同多汁過佢）、想食碗湯麵都無，整體係食物款式少，就連沙律吧配菜都少，感覺東薈城間 Novotel 好過佢，真係 "極度" 失望。再講服務：1. 我地係全場第二枱客入座（6 點），被安排左右好近有枱既位，我問可唔
先講食物：
壽司唔夠新鮮，種類唔多，一般大路野，無醋味既飯好硬同好似未熟，連 Wasabi 都帶苦澀味。唔怪得個 counter 無乜人氣，長期有得供應，食 3 件即放棄。刺身無上枱，要開口問先係咁二畀幾件你，又係一般中下質素。冷盤都係大路野，生蠔（普通）、蝦（好細）、細蟶子同螺（算 O.K.）、蟹腳（無味、無提供食蟹用具、無餐紙巾同無濕毛巾抺手），燒牛肉（太熟、乾身同無汁）、即叫即做 pasta 居然係淡而無味（有無攪錯），熱盤少兼係冷門野（全無吸引力）、印度咖喱太稀普普通通無驚喜、Nan Bread 剪到好似餅乾咁細塊同凍唔好食（印度㕑師駐場）、芝士太乾，無葡萄伴芝士，餅乾走晒氣好林、唯一好味少少係串燒沙嗲同椰汁海鮮湯、即叫即做 crepe 選料少、甜品種類又係少到嚇人、西瓜色好淺（全無西瓜味，百佳賣 $6.9/個美人西瓜仲好味同多汁過佢）、想食碗湯麵都無，整體係食物款式少，就連沙律吧配菜都少，感覺東薈城間 Novotel 好過佢，真係 "極度" 失望。
再講服務：
1. 我地係全場第二枱客入座（6 點），被安排左右好近有枱既位，我問可唔可以坐近窗口位，帶位小姐話已有人預訂，（O.K. 星期五晚多人訂位唔出奇），但我 8 點 45 分走時之前問果幾張枱都係空！我隔離左右 2 張枱都有人坐，枱擺得好近好迫，之間只夠一個人行，隔離枱講乜全部聽到晒。但前一排全行幾張枱都附近枱都無人坐，點解要將客迫埋一齊坐？點解唔可以從食客立場出發諗下，安排少少私隱空間畀客坐得舒服些同享用晚餐？
2. 待應收碟唔會睇你碟野食完未同唔會問你可唔可以收，話收就收！
3. 待應見我開始食芝士甜品就問我要唔要咖啡茶，落了 order 後就一直等、等、等、等、等、等、等、個場又唔滿，都唔知佢地忙乜，總之就好似無事忙，走來走去。最終個待應哥哥同我有眼神接觸知道漏咗我地飲品先入水吧，上枱時無道歉，好似茶餐廳咁求其放低就走（乜酒店無教過點上茶水？）。我杯咖啡 O.K. 仲熱，老婆仔杯熱檸檬茶就係全凍，暖都無，唔知擺咗幾耐，老婆話算唔飲，我話唔得，咁樣個哥哥仔唔知自己衰咗，畀個機會佢面對自己過失從而學習，點知個哥哥仔道歉都無，只係應咗一聲 "啊" 就換返杯熱茶，望都無望下我地，道歉就更加無，就咁放低杯茶就行開去（個下有啲衝動想搵個 F&B 經理出黎交流下服務心得，老婆牛一，算吧，由得佢地自生自滅）。
4. 隔離枱叫埋單，諗住佢張單到時我都叫埋單，但又係一直等、等、等、等、等、等、等，最終我自己走出去搵人埋單，最終我埋完單走人時隔離枱仲等緊收據，佢地都好唔滿意。
Post