Mille Mele Tokyo (Closed)

一入店舖，職員冇完整嘅制服， 廚房入面好多無謂人，可能係經理之類。比人感覺完全唔似一間好專業嘅舖頭。買嘅時候話要等半個鐘，留電話，焗好可以拎就打電話通知。等咗超過半個鐘，九個字後，我仲未收到電話，我再返入舖頭， 仲要再等十分鐘， 排我前面買個個人已經拎左， 又等十分鐘之後， 類似經理既西裝人突然可以係我之前，就係入面拎咗一件蘋果批及一口酥招呼啱啱入嚟既靚女朋友/自己友， 唔知係咪咁，導致我又要再等多十幾分鐘。加加埋埋等咗一個半鐘有多😑 喺廚房整嘅人好慢，都算， 到拎上手試食，係熱辣辣新鮮出爐， 一口食落去的確係好酥化， 但再繼續食落去就覺得與麥記無差別😑呢個價錢，加埋要等個半鐘至兩個鐘先有得食。一句講曬，係完全不值。 建議如果見多人就更加無謂入去買野。