Video
Read full review
2011-01-14
39 views
我係筲箕灣返工既關係，所以係佢未有星星前已經食過好多次。昨日lunch同同事諗起好耐無食過，又見到門口終於無人排隊，所以就走去食，點知換黎一肚氣！(服務最衰比唔到負分，如果唔係一定係負分，唔負分都應該係 "零" 分！)過程︰一入到去已經見到有位，不過點都問下職員先，估唔到答覆係︰「等等先！」(唔係咁好脾氣，黑面)OK，你出左名要安排下客人坐位都正常，不過等左陣都無人理我地…咁岩老闆娘經過問佢有無位，咁佢都唔係咁好脾氣咁話︰「你地坐過邊喇」算喇，有位坐就算。睇一睇餐牌見到加左價喎，都正常既人地話晒有星星喎…E…薄餅得返原味，無得揀，都正常既人地多客嘛…好叫野食，叫人寫單，第一次無人理，第二次等等，第三次終於理我地喇…寫單時多口問下，係咪無得揀乜野味既薄餅？以前都有架。老闆娘答︰「無喎！無得揀！」(態度，語氣惡劣，黑面)算，開餐，野食OK既，無水準下降，不過都無進步，係餸既份量少左，見到其他人既飯多左。開餐途中，見到有人入黎問有無位，老闆娘好型咁答︰(繼續黑面)「排緊隊架喎！」心諗唔駛咁呀，叫人排隊都好聲氣D呀！算，唔關我事，埋單比錢，改左要自己去櫃面埋單。OK，無問題。最離譜既事發生喇！
昨日lunch同同事諗起好耐無食過，又見到門口終於無人排隊，所以就走去食，點知換黎一肚氣！
(服務最衰比唔到負分，如果唔係一定係負分，唔負分都應該係 "零" 分！)
過程︰
一入到去已經見到有位，不過點都問下職員先，估唔到答覆係︰「等等先！」(唔係咁好脾氣，黑面)
OK，你出左名要安排下客人坐位都正常，不過等左陣都無人理我地…
咁岩老闆娘經過問佢有無位，咁佢都唔係咁好脾氣咁話︰「你地坐過邊喇」
算喇，有位坐就算。睇一睇餐牌見到加左價喎，都正常既人地話晒有星星喎…E…薄餅得返原味，無得揀，都正常既人地多客嘛…
好叫野食，叫人寫單，第一次無人理，第二次等等，第三次終於理我地喇…
寫單時多口問下，係咪無得揀乜野味既薄餅？以前都有架。
老闆娘答︰「無喎！無得揀！」(態度，語氣惡劣，黑面)
算，開餐，野食OK既，無水準下降，不過都無進步，係餸既份量少左，見到其他人既飯多左。
開餐途中，見到有人入黎問有無位，老闆娘好型咁答︰(繼續黑面)「排緊隊架喎！」
心諗唔駛咁呀，叫人排隊都好聲氣D呀！
算，唔關我事，埋單比錢，改左要自己去櫃面埋單。
OK，無問題。最離譜既事發生喇！
兩個人食兩個餐加涷飲，TOTAL $88，咁我比4張20蚊紙，2個2蚊銀，3個1蚊銀，2個5毫。咁OK呀，唔駛找錢喎！
正轉身離開，老闆娘突然話︰「呢兩個唔收喎！」(繼續黑面)
我答︰「下，呢兩個唔係錢咩！」
老闆娘竟然答︰「係呀！呢兩個唔係錢！」
我立即呆左…算，唔同妳嘈，換個10蚊銀比佢找完算數，費事阻住返工。
但係佢櫃位無寫唔收5毫，而且之前已經有電視，報紙講過唔可以拒收毫子，而且自問咁比錢唔係過份。(唔駛妳找錢，又唔係成堆毫子玩野)
最離譜既係，竟然講得出︰「係呀！呢兩個唔係錢！」
真係火都黎埋！即刻彈返佢︰「攞左星，係唔同D呀！」
老闆娘仲要死撐︰「唔係，以前都係咁！」
諗返未攞星前既態度，老闆娘仲會走埋黎問(滿面笑容)，好唔好食呀？
收錢時，仲會好好聲氣話︰「多D黎食喎，叫多D同事一齊黎啦。」
而家，“哈“，以後都唔會去幫襯，以前叫我地叫多D人黎食，放心，而家我地一定叫多D人 “唔好黎食“！
東大街淨係得你一檔好食咩！我去食其他野好過。
以後都唔會再幫襯！
攞左星唔係大晒既！
Post