石磨坊 (Closed)

在荃灣吃完米線後, 要到旺角辦些事情, 離開時決定吃多碗糖水才回家, 原本打算去糖百府的, 但發覺原來除了吃雪花冰之外, 這兒好似沒有甚麼熱糖水好食的, 而且沒有太多的客人, 反而見到斜對面的石磨坊有些人在門外等位, 心想應該會比較好, 於是去了石磨坊吃, 點之竟然吃到把鬼火.入面非常之迫, 啲枱又細張. 點了腰果糊加湯丸及芋蓉西米露. 個腰果糊放落來就好香, 以為唔錯, 點之食落原來無味的, 又稀唔夠杰, 明顯下了很多水, 湯丸又唔夠煙韌彈牙. 老婆的芋蓉西米露仲差, 啲芋蓉得個甜字, 仲要係甜到頂唔順果隻, 個西米露水到離晒譜, 似西米水, 一路食一路鬧, 簡宜可以用不知所謂來形容, 絕對是浪費金錢的一餐.