杜老誌大飯店 (Closed)

杜老誌大飯店已改成做火爐餐廳，同之前一樣裝修得80年代香港嘅感覺！又有懷舊氣息！menu亦已改為火鍋 menu,超多選擇肉類，海鮮，丸，小食等。西班牙豬肉，色澤好似巴拿馬火腿！在熱湯輕熟10多秒已變色！肉質非常嫩又夠滑！好香都夠挺身！再配點汁醬一齊食更惹味。五寶丸，呢度 d手工丸做得幾好！幾精緻細膩，粒粒都幾爽彈，好有質感口感，證明都係幾新鮮呀！韭菜豬肉餃，外皮都幾夠薄，內層餡料超飽滿！仲 keep到肉汁，好香既韭菜湧出黎，味道好正。花枝片亦係推介之一，夠鮮嫩又qq彈！陣陣鮮味滲出，吸了湯底既香！店員服務態度都幾好，親切有禮，地方又夠大！坐得幾舒服。