Video
Read full review
2022-06-20
1754 views
餐廳：巴辣仔烤魚雞煲 (尖沙咀)地址：尖沙咀加連威老道58-60號幸福大廈地下及1樓最近食咗太多火鍋、放題同燒肉🥩，想搵啲新嘢試吓，又唔想次次都喺食豬牛雞，我諗今次介紹巴辣仔烤魚雞煲 @blz_restaurant 就幾啱你😎全港有八間分店，今次去咗尖沙咀加連威老道呢間兩層樓高嘅分店。星期日晚市都幾多人去食，仲見到好多三五成群一齊嚟挑戰食佢哋原條兩斤重嘅烤魚🐟，我今次就兩個人去，唔知食唔食得晒呢🤣其實食法有啲似打邊爐，不過就喺以成條烤魚做主打同湯底，亦都可以加配唔同嘅火鍋配料🍲，畢竟都喺第一次食烤魚，我就當喺新嘗試嚟㗎喇😆✝️沙巴龍躉 $418原條烤沙巴龍躉先兩邊炸起🔥，劏開之後再浸喺濃湯度滾，加埋四川直送嘅惹味配菜同香料🌱，香脆而浸湯後帶有韌勁嘅魚皮包住鮮嫩嘅啖啖魚肉，雖然有啲大骨喺中間不過完全無阻惹味魚香嘅吸引😋，揀咗酸菜味嘅小辣，另外送四款自選配菜，有大豆芽、娃娃菜、金菇同秀珍菇，成條魚嘅份量真喺3-4人食都好夠！除咗食烤魚之外叫咗幾樣火鍋配料，有雜丸拼盤($68)，裡面有貢丸、墨汁墨魚丸、麻吉燒、墨魚丸、特級牛丸同芝心丸各2粒🍡；爽脆有咬口嘅大大粒雞腎花($58)；吸湯汁一流嘅蜂
地址：尖沙咀加連威老道58-60號幸福大廈地下及1樓
最近食咗太多火鍋、放題同燒肉🥩，想搵啲新嘢試吓，又唔想次次都喺食豬牛雞，我諗今次介紹巴辣仔烤魚雞煲 @blz_restaurant 就幾啱你😎
全港有八間分店，今次去咗尖沙咀加連威老道呢間兩層樓高嘅分店。
星期日晚市都幾多人去食，仲見到好多三五成群一齊嚟挑戰食佢哋原條兩斤重嘅烤魚🐟，我今次就兩個人去，唔知食唔食得晒呢🤣其實食法有啲似打邊爐，不過就喺以成條烤魚做主打同湯底，亦都可以加配唔同嘅火鍋配料🍲，畢竟都喺第一次食烤魚，我就當喺新嘗試嚟㗎喇😆
✝️沙巴龍躉 $418
原條烤沙巴龍躉先兩邊炸起🔥，劏開之後再浸喺濃湯度滾，
加埋四川直送嘅惹味配菜同香料🌱，香脆而浸湯後帶有韌勁嘅魚皮包住鮮嫩嘅啖啖魚肉，
雖然有啲大骨喺中間不過完全無阻惹味魚香嘅吸引😋，揀咗酸菜味嘅小辣，另外送四款自選配菜，有大豆芽、娃娃菜、金菇同秀珍菇，成條魚嘅份量真喺3-4人食都好夠！
除咗食烤魚之外叫咗幾樣火鍋配料，有雜丸拼盤($68)，裡面有貢丸、墨汁墨魚丸、麻吉燒、墨魚丸、特級牛丸同芝心丸各2粒🍡；
爽脆有咬口嘅大大粒雞腎花($58)；
吸湯汁一流嘅蜂巢凍豆腐($28) 同
唐生菜($30)🥬
一定唔可以唔叫嘅飲品，$38就有超級大杯嘅柑橘檸檬特飲同鳳梨水果茶🍹，接近1L嘅份量，真係食多多都唔怕頸渴，走冰少甜亦都得😝；唔好唔記得最後食埋可以任食嘅生果同啫喱啊，如果你仲未飽嘅話😌
Post
