新景園咖喱小廚

Open Now

Now Closed

知道呢間店嘅豬扒出哂名，但未食過。今次為咗食佢哋嘅咖喱豬扒飯， 我排隊等候大概45分鐘才入到店。我問過店員繁忙時間只得咖喱豬扒版、乾炒牛河兩款食物供應。 我要咗個咖喱豬扒飯，個飯大碟得有㸃誇張，飯和 豬扒都是正常份量嘅 double。 但價錢其實都是正常嘅 double ($96）。 所以千祈唔好覺得好抵食。豬扒炸得酥脆，夠味，夠淋，唔韌， 港式炸豬扒來講做得算出色 ° 難怪每日咁多人排隊等候來食。 咖喱汁都是港式咖喱，但汁煮得較稀，偏辣， 唔夠香。 我要咗兩匙撈飯就算。 我睇見其他客人叫嘅乾炒牛河， 炒得相當唔錯， 下次搵日再來試試。 因為佢哋碟飯實在太大碟， 我又唔習慣浪費食物， 食晒成碟飯， 飽足一日。