Video
Read full review
2019-01-04
55 views
上次男友帶過我去尖沙咀mini club慶祝🎊🎉，今日到我帶朋友去慶祝生日，不過今次試下去銅鑼灣分店。銅鑼灣呢邊有個好大倒轉嘅巴黎鐵塔🗼，呢度比較似一間mini bar & restaurant，而尖沙咀嗰邊就似間pub多啲，不過2間氣氛都唔錯。首先揀咗2杯嘢飲先，咁多靚靚飲品🍹，心思思都唔知揀邊款。咁就試下未試過嗰啲啦，strawberry ME 🍓同埋 Honey Bee🍯。Strawberry ME 有少少冧酒、tequila、奶同士多啤梨🍓，味道有少少似士多啤梨奶昔。Honey Bee 有菠蘿汁🍍，新鮮水蜜桃🍑，酒，另外仲有一樽蜜糖可以隨自己喜好加。賣相好靚，成樽winnie the pooh 蜜糖咁🍯。我哋揀咗個炭燒德國腸拼盤，total 有7條腸，有幾款唔同味道，炭燒味好香，真係啱晒超愛腸仔嘅我。另外有3種醬汁可以點，分別係芥末、他他汁同茄汁。食完咁膩嘅腸仔再食番伴碟嘅醃製酸青瓜🥒，既可以清除油膩感，又可以增加食慾，又可以繼續食食食🍽🍽。極上12安士炭燒安格斯牛仔骨，肉質鮮嫩，有炭燒香味，面頭仲有香草同燒汁，非常惹味，如果嫌未夠味，仲可以點少少海鹽， 另外旁碟薯蓉有少少煙肉
銅鑼灣呢邊有個好大倒轉嘅巴黎鐵塔🗼，呢度比較似一間mini bar & restaurant，而尖沙咀嗰邊就似間pub多啲，不過2間氣氛都唔錯。
首先揀咗2杯嘢飲先，咁多靚靚飲品🍹，心思思都唔知揀邊款。咁就試下未試過嗰啲啦，strawberry ME 🍓同埋 Honey Bee🍯。
Strawberry ME 有少少冧酒、tequila、奶同士多啤梨🍓，味道有少少似士多啤梨奶昔。
Honey Bee 有菠蘿汁🍍，新鮮水蜜桃🍑，酒，另外仲有一樽蜜糖可以隨自己喜好加。賣相好靚，成樽winnie the pooh 蜜糖咁🍯。
我哋揀咗個炭燒德國腸拼盤，total 有7條腸，有幾款唔同味道，炭燒味好香，真係啱晒超愛腸仔嘅我。另外有3種醬汁可以點，分別係芥末、他他汁同茄汁。食完咁膩嘅腸仔再食番伴碟嘅醃製酸青瓜🥒，既可以清除油膩感，又可以增加食慾，又可以繼續食食食🍽🍽。
極上12安士炭燒安格斯牛仔骨，肉質鮮嫩，有炭燒香味，面頭仲有香草同燒汁，非常惹味，如果嫌未夠味，仲可以點少少海鹽， 另外旁碟薯蓉有少少煙肉粒🥓，薯蓉又軟綿綿，非常美味。
黑松露野菌薄餅🍕，有好香黑松露味，薄餅卜卜脆，野菌又多，加上芝士🧀和香草，味道更出眾。
香烤蜜糖雞翼份量足，有成8隻咁多，夠晒蜜汁味，味道甜甜哋，雞翼又juicy。
上次男友叫完個the love of Eiffel🗼都搞到我勁開心，今次到我叫比個friend，佢一見到又係勁開心😍，無辦法啦，實在太靚，成座巴黎鐵塔放滿甜品，影相都影到飽。
Post
