Video
Read full review
2018-09-03
170 views
本來仲好愁帳應該同男朋友去邊度慶祝紀念日好，係朋友既推薦下得知銅鑼灣有間有巴黎鐵塔既餐廳。餐廳内燈光好柔和，環境好寧靜，枱與枱之間間距都幾大，所以好適合黎傾計飲野。而我地就好好彩被編排係近窗位，仲可以望下銅鑼灣鬧市既街景，好正。餐廳講到最特別既係有座反轉左既巴黎鐵塔，即刻諗起周星馳既巴黎鐵塔反轉再反轉，哈哈。上菜既時候有d驚訝，好大盤好豐富！隻蟹雖然切左一半，但都有我塊面咁大。超多蟹膏，淨係食d膏都可以食飽，哈哈。而且有好多蟹汁，食完成隻碟都係汁，好誇張。龍蝦肉質爽口而且鮮甜，同埋都係好多膏，食完呢餐都唔知會肥幾多，哈哈。隻蝦都幾大隻，而且肉質鮮甜細嫩。鮑魚味道好濃郁，青口正常。美中不足係個翡翠螺，有沙，雖然我覺得都好難避免既。生蠔都幾大隻，而且都幾新鮮，蠔味比較重，但無咩海水味。個摩天輪真係會轉既，每當你拎起一件食物既時候，因爲重力既改變，個摩天輪會自己轉動，幾得意。而摩天輪上面有5款不同既炸物，有炸魚、炸蠔(蠔味好重，而且炸完入面仲有汁，好正)、炸蝦等等。基本上全部都炸得好好，外面唔會話好厚粉，外面脆之餘仲食到入面既食才原本既味道，但要食得快，因爲凍左無咁好食。醬汁有2款，一款有d
餐廳内燈光好柔和，環境好寧靜，枱與枱之間間距都幾大，所以好適合黎傾計飲野。而我地就好好彩被編排係近窗位，仲可以望下銅鑼灣鬧市既街景，好正。餐廳講到最特別既係有座反轉左既巴黎鐵塔，即刻諗起周星馳既巴黎鐵塔反轉再反轉，哈哈。
海鮮拼盤
23 views
1 likes
0 comments
20 views
0 likes
0 comments
上菜既時候有d驚訝，好大盤好豐富！隻蟹雖然切左一半，但都有我塊面咁大。超多蟹膏，淨係食d膏都可以食飽，哈哈。而且有好多蟹汁，食完成隻碟都係汁，好誇張。龍蝦肉質爽口而且鮮甜，同埋都係好多膏，食完呢餐都唔知會肥幾多，哈哈。隻蝦都幾大隻，而且肉質鮮甜細嫩。鮑魚味道好濃郁，青口正常。美中不足係個翡翠螺，有沙，雖然我覺得都好難避免既。
生蠔
23 views
0 likes
0 comments
生蠔都幾大隻，而且都幾新鮮，蠔味比較重，但無咩海水味。
狂野摩天輪
24 views
0 likes
0 comments
個摩天輪真係會轉既，每當你拎起一件食物既時候，因爲重力既改變，個摩天輪會自己轉動，幾得意。而摩天輪上面有5款不同既炸物，有炸魚、炸蠔(蠔味好重，而且炸完入面仲有汁，好正)、炸蝦等等。基本上全部都炸得好好，外面唔會話好厚粉，外面脆之餘仲食到入面既食才原本既味道，但要食得快，因爲凍左無咁好食。醬汁有2款，一款有d似甜酸醬，一款似芝麻醬，2款都同d食物好夾。
海鮮米紙沙律卷
16 views
0 likes
0 comments
海鮮米紙沙律卷
食完d煎炸野之後食d清d既野就岩晒啦，將d菜卷埋上面再放三文魚/蝦，美觀得黎又好食，個人建議點埋d醬黎食。
The Love of Eiffel
36 views
1 likes
0 comments
最後個甜品真係超驚喜，本身巴黎鐵塔上面放滿甜品已經好靚，OMG佢仲要有煙霧效果，成件事好夢幻好浪漫，完全係唔捨得食！d甜品係多到好似食緊自助餐咁多，最中意佢個macaroon，係上面印左D圖畫令佢更靚之餘，味道又唔會話好甜。
What the duck
51 views
1 likes
0 comments
Look for star
49 views
0 likes
0 comments
Jim Jim
25 views
0 likes
0 comments
最後黎酒吧點少得叫cocktail呢，係menu見到款好特別既signature cocktail叫what the duck，哈哈。其實係有隻鴨係度沖涼，好多泡泡好夢幻，飲落係甜甜地，而且d爆炸糖係一路係你個口度爆。不過我覺得就偏甜，但真係好靚好適合呃like，哈哈。另外仲叫多左2杯常見d既cocktail，咁本身呢間係酒吧黎既，所以d水準都係好高。
呢餐飯真係食得好開心，環境好、食物水準高、服務態度又好，最重要係佢每上一道菜式都帶比我驚喜既感覺，尤其係個甜品塔！呢間都可以話係我近期食過最正既餐廳。
Post
