菲律賓會 - 盛宴BBQ (Closed)

已經開始有少少涼意，咁就梗係係時候BBQ啦✌🏻，因為有啲朋友都要返工，所以決定上網搵下有邊間方便d, 睇到呢一間都好方便，由地鐵站行過去都係大約15分鐘，所以一致決定訂呢一間試吓，環境都幾好，除咗出邊戶外有得燒嘢食之外，仲有一個室內位置，入面可以俾你哋坐下，玩下飛鏢，打下機👍🏻👍🏻，而嘢食方便有好多選擇，例如，雞翼，牛扒，豬頸肉，雞扒，雞皮，金沙骨，鯖魚，牛柳粒，腸仔，脆皮腸，雞腎，魷魚，多春魚等等，亦都有海鮮提供，生蠔（當然要燒熟佢先食得），虾🦐，青口，帶子，飲品亦都係超多選擇都有啤酒提供👍🏻，一大班朋友就最好一路食一到飲😂，如果一大班朋友想燒嘢食，但又冇時間去到咁遠嘅話，呢度都係一個唔錯嘅選擇👍🏻