發記粥麵

Open Now

Now Closed

看到南瓜兄說這裡的蝦腸好味，老闆娘又好人，來到這熟食中心，又點可以唔來試試呢！我們叫了蝦腸、炸兩和皮蛋鹹瘦肉粥。蝦腸- 腸粉即叫即拉，所以要預了要等一段時間，腸粉皮唔厚但又未算好薄，蝦肉大部份新鮮，但其中一隻蝦有點腍，小小失敗。炸兩- 油炸鬼很脆，但唔多似新鮮炸起的，相信應該係返炸的，包著油炸鬼的腸粉，明顯太少，完全不能包著，有點偷工減料。皮蛋鹹瘦肉粥- 粥底像由粉漿開出來，很水又沒有什麼味道，瘦肉和皮蛋也很一般。味道只是一般，沒有想象中高，只有腸粉比較好一點，唔知齋腸又如何呢？