星味坊烘焙專門店

Open Now

Now Closed

有朋友推介呢間餅店嘅蛋撻，今日行經附近決定來試試，去到門口先發現唔係普通港式蛋撻，而係叫做布甸蛋撻，size有一件西式撻餅咁大。布甸蛋撻 （$12）首先去收銀處俾錢，之後去門口嘅蛋撻爐搵店員拎蛋撻。雖然唔係新鮮出爐，但係有用個暖爐去暖住，蛋撻放入紙袋內拎上手時候仲係熱熱地，好食啲原來所謂嘅布甸蛋撻係一杯布甸咁嘅size嘅一個曲奇皮蛋撻。蛋撻中間嘅蛋唔係布甸味，比較實少少，似燉蛋甜品不過味道比較淡，唔係好甜。但對於鍾意食曲奇皮蛋撻嘅我嚟講我覺得係好食。個蛋撻嘅甜味似乎主要係來自燉蛋表面嘅糖漿。