船長 泰國船麵工房 (Closed)

知道呢間就嚟要告別，希望臨別前試一試。今日試咗三樣嘢 ……曼谷街頭炸雞翼香脆可口熱辣辣，我問友人，你覺唔覺得呢種味道好熟悉。我再諗咗一諗，係似M記嘅味道，不過我相信係唔使擔心雞肉來源地嘅健康版，雖然有啲熱氣，但一隻又一隻我都停唔到口。雞湯麵，少甜，微辛，我叫咗金邊粉，吸左啲湯汁，幾好味。魚蛋好味，彈牙，兩款（白灼&炸）一齊上，係很好嘅配搭，白灼食到佢原來嘅魚味，另外又食到炸嘅風味，而且炸出嚟唔會好多油，其實嚴格來講我覺得唔算係炸，或者係半煎炸。