棋哥燒鵝 (Closed)

由於係尖沙咀上堂既關係，所以經常會係呢頭食飯，前後嚟過棋哥燒鵝食過兩次，兩次都係叫左燒鵝飯同鹽焗手撕雞飯，但水準感覺上有啲參差。第一次去食既時候，燒鵝皮脆肉嫩，調味適中，唔會淨係得層皮有味，而且係晚飯時間65蚊連野飲，性價比算係幾高，至於鹽焗手撕雞飯，可以好清楚咁食到咸香味同芝麻既香味，唔會好似外面有啲手撕雞飯咁落好多醬油，蓋過晒啲味。但第二次黎就有啲失望，個燒鵝完全唔熱，皮亦都唔脆，而個手撕雞飯啲雞直情好似係雪櫃啱啱拎出黎咁，雖然味道上都同第一次差唔多，但口感上真係差好遠，希望餐廳可以做好啲QC,保持到食物既水準。