美利堅京菜 (Closed)

大大話話都幫襯左美利堅廿幾年，而家真係越來越少有童年回憶嘅餐廳，而佢嘅老派北京菜美味亦一直保存到現在，所以久不久都會有癮想嚟食，今次係提早新年飯嘅一餐！今次前後點了九個菜式，"素鵝"$82，叫細碟都有八九塊，外型簡單美觀，腐皮裡面包住色彩鮮豔嘅菜絲，我最鐘意佢外層腐皮有一種好濃郁嘅煙芬味，好嘅冷菜係一餐好嘅開始！"山東手撕雞"$148 ，非常大碟，雞肉夠滑，同個燒雞蒜蓉汁相當野味，每次亦絕不欺場！"賽螃蟹"$109，傳總北京菜都一定有，一定要夠熱夠滑，同埋蛋白要平均，不可太大塊，佢完全可以做到！"京燒羊肉"$87，另一樣必叫嘅菜式，你好難可以揾到有第二間比佢更好，羊皮烤到脆脆下面一層肥膏然後到非常嫩滑嘅肉質，再點佢個醬汁真係人間極品，仲要只收依個價錢真係茶餐廳都冇可能！"鐵板川椒鮮球"$338,熱熱嘅鐵板再倒啲蝦同汁落去，次次上親依個菜旁邊枱都會望下，蝦大隻彈牙，冇汁亦酸辣適中，唯一錯嘅係我叫錯左，我係其實係要食鐵板宮保蝦球，下次一定要講清楚啲！"砂鍋雲吞津白"$106,濃濃嘅雞湯有甜甜嘅津白同足料嘅雲吞，冬天天氣冷最啱飲返碗！"松鼠貴花魚"$376,夠大條再炸得非常漂亮，炸到皮同骨都