Linguini Fini (Closed)

過去一星期陪我飲飲食食嘅密友去左外遊，搞到我都冇啖好食，清減不少。終於等到佢返嚟，又係時候暴食😛本身想食pizza，但18吋兩個人真係食唔哂，仲要寫明等半個鐘，所以放棄左。呢度啲draught全部都唔識嘅，是但叫左杯young master，個杯咁有特色，相信係本地出品，入口嗰下好香果味，飲落偏甘苦。Eggplant parm，個賣相🤦🏻‍♀️濃濃嘅蕃茄茸base，炸茄子好大塊😮層層夾住芝士，面仲要再配另一種芝士，極邪惡😱老老實實，味道一般，同埋太heavy，食一樣味道普通而又霸好多quota嘅野，真係好guilty😞招牌linguini，要左茄汁，加個蝦，上碟時先刨啲芝士落去。意粉個texture剛好，蕃茄汁偏酸，蝦仁唔大隻，但都算爽口。叫得做招牌菜，應該要再好啲。加左個配菜，松露油燒菇，好咸。香蕉朱古力蛋糕，$79加一都幾貴，味道都係麻麻地。埋單六百左右，好食絕對講唔上，但都算好坐嘅，兼且心情靚，勉強俾個OK。