西門町台灣麵食 (Closed)

今日同兩位朋友係上堂前，一齊食晚飯，有朋友揀左西門町台灣麵食，至於冇咩所謂既我，當然冇反對啦。我叫左紅燒牛肉麵，飲品叫左香芓奶茶。本身對依間野冇咩寄望，但見到Lam Lam脷數目並唔少，有成~400個，姐係好好味啦。點知，又一次驗證左，唔試過又點知得唔得。可能我叫既野，咁岩唔係佢地主打，我亦都希望係咁。因為個紅燒牛肉麵完全達唔到我想要既感覺，有去台灣食過林東芳或者永康就知咩係真正既牛肉麵。今次依碗麵，個湯有啲過甜，正常應該要有少少辣，但佢冇。啲牛肉淋係夠淋，但太瘦，肥翻少少既話個味道同口感一定會大大提升。杯野飲幾好，唔會過甜，亦都有香芓味，起碼得到佢應有嘅水平。係加嘢飲價錢方面，只要你叫一個麵或者飯，就可以以原價減$15買杯嘢飲。總結：大家可以試吓其他唔同嘅嘢食，因為我朋友係食米粉，佢話依度用嘅米粉係新竹米粉，所以會比較好味。但係，我如果你想驗證係我講個野係咪真，就食紅燒牛肉麵啦。