洪記粥品 (將軍澳廣場)

Open Now

Now Closed

因已有好一段時間無去過將軍澳，所以今日下午我們去咗將軍澳Popcorn商場行街，行過發現原來Popcorn已有第二期，兼且連接住呢個將軍澳廣場，我們行到去差唔多應該係商場最後尾位置有間叫「洪記粥品」，而小妹嘅老豆係最鍾意食生滾粥，所以我們就入咗去食下午茶！我們叫咗豬膶魚腩粥同皮蛋魚腩粥，一嚟到我們見到碗粥就覺得「嘩！好似好多餸好足料咁」但仔細啲睇就發現原來係隻碗好隻，變咗放咗啲餸之後，粥嘅份量唔會好多，遮蓋唔晒啲餸，所以唔係好做到生滾粥嘅效果！如果隻碗大隻多啲啲，咁就會更加好！我們另外再叫咗牛肉腸粉、炒米粉同牛脷酥！腸粉嘅外層比較粗「嚡」，但牛肉嘅份量都算多！炒米粉同牛脷酥就不過不失！