Video
Read full review
2015-02-13
880 views
對於sweet ó logy嘅印象，就係希臘風格嘅藍白裝潢。正正位於又一城溜冰場旁邊，窗邊放眼望去彷如置身雪景。餐廳menu十分之精美，每本都好似artwork咁，相片同排版都好靚，所有食物嘅圖片都好吸引。點左一個set $88頭盤、沙律、小食、主菜擺埋一碟，印象分大打折扣。而且賣相欠佳，同menu入面圖反差太太太遠。頭盤 baguette法包塗上香甜嘅apricot jam (中文應該係杏醬，一種果醬)，好清新，而且較少餐廳會提供apricot jam，👍！雜菜沙律配上柚子汁，味道不錯，但汁醬份量少，令成個沙律食起上黎較乾。香辣雞翼完全無辣味，味道淡到幾乎食唔到咩味，仲好乾添。👎。鮮菌脆巴馬火腿拌闊麵食落好creamy，但白汁味道亦過淡。炸過嘅巴馬火腿食落似煙肉，完全無左Parma ham濃烈嘅煙薫味道。講起巴馬火腿，不得不提意大利羅馬一間餐廳ParmaRoma嘅Parma ham，風乾24個月，肉質結實，濃烈嘅䶢香，配上香脆baguette同醃小洋蔥，真係世界級享受。Parmaroma Address: Via del Pozzo delle Cornacchie 36, 0018
對於sweet ó logy嘅印象，就係希臘風格嘅藍白裝潢。正正位於又一城溜冰場旁邊，窗邊放眼望去彷如置身雪景。
餐廳menu十分之精美，每本都好似artwork咁，相片同排版都好靚，所有食物嘅圖片都好吸引。
點左一個set $88
頭盤、沙律、小食、主菜擺埋一碟，印象分大打折扣。而且賣相欠佳，同menu入面圖反差太太太遠。
頭盤 baguette
法包塗上香甜嘅apricot jam (中文應該係杏醬，一種果醬)，好清新，而且較少餐廳會提供apricot jam，👍！
雜菜沙律
配上柚子汁，味道不錯，但汁醬份量少，令成個沙律食起上黎較乾。
香辣雞翼
完全無辣味，味道淡到幾乎食唔到咩味，仲好乾添。👎。
鮮菌脆巴馬火腿拌闊麵
食落好creamy，但白汁味道亦過淡。炸過嘅巴馬火腿食落似煙肉，完全無左Parma ham濃烈嘅煙薫味道。
講起巴馬火腿，不得不提意大利羅馬一間餐廳ParmaRoma嘅Parma ham，風乾24個月，肉質結實，濃烈嘅䶢香，配上香脆baguette同醃小洋蔥，真係世界級享受。
Parmaroma Address: Via del Pozzo delle Cornacchie 36, 00186 Roma, Italy
嗚離題了。
套餐嘅咖啡都係普普通通，無咖啡豆香味，似用粉沖。
另外點左甜品
strawberry flower waffle $75
窩夫賣焗得唔香脆，好重麵粉味。toppings嘅cream應該係用甜忌廉打出黎，非常膩。雪糕係選用movenpick strawberry ice cream，果香味濃就一定啦！旁邊仲有好多士多啤梨粒，酸酸甜甜，感覺無咁滯。
總括而言，呢間餐廳真係食環境食裝修，食物味道真係有待改善。
Post
