Video
Read full review
2018-10-04
48 views
觀塘區西餐廳唔少，但高質會回頭嘅就寂寂可數有舊同事返黎觀塘約食lunch，揾揾下就見到依間小店新開位置係宜安街，幾乎大部分都係食肆。我地係街頭一望過去，見到有間全藍色嘅就揾到~早一日預約定，未齊人1:00去到都入得，全店座位唔多，6-7張枱。入到去幾乎都full咗，唔預約應該要等下一round先有得食lu餐廳環境行希臘風，藍天白雲加希臘風景畫~有播音樂，坐位都舒服幾啱傾計暢談是日lunch set有A-H個餐，意粉、飯、扒都有，價錢以西餐嚟講合理，唔算貴一個set淨係包餐湯同野飲，如果要蒜蓉包/沙律就要另外加錢~可能因為咁價錢比出面西餐平我地各點咗個扒餐食豪d是日餐湯係蕃茄濃湯，好重蕃茄味，囗感比較濃厚飲得出係真材實料，唔會又稀又淡。飲完都開胃咗，準備食主菜主菜豬扒嚟喇！上菜見到真係嘩咗聲竟然有兩大塊扒，真係大過塊臉估唔到$88都有咁嘅份量！味道好好有肉汁，肉質淋易切開，唔會太老，煮得啱啱好熟。平時少叫豬扒，就係驚煮過龍會難咬開側邊有少少肥膏位切走冇食到~洋蔥汁正常，真係有一條條洋蔥架，唔係得個汁落單前有問過係咪配薯菜/飯/意粉，個員工話係，我地就叫咗一個要薯蓉一個要薯條。點知到上菜嘅
位置係宜安街，幾乎大部分都係食肆。我地係街頭一望過去，見到有間全藍色嘅就揾到~
早一日預約定，未齊人1:00去到都入得，全店座位唔多，6-7張枱。入到去幾乎都full咗，唔預約應該要等下一round先有得食lu
餐廳環境行希臘風，藍天白雲加希臘風景畫~有播音樂，坐位都舒服幾啱傾計暢談
是日lunch set有A-H個餐，意粉、飯、扒都有，價錢以西餐嚟講合理，唔算貴一個set淨係包餐湯同野飲，如果要蒜蓉包/沙律就要另外加錢~可能因為咁價錢比出面西餐平
我地各點咗個扒餐食豪d
是日餐湯係蕃茄濃湯，好重蕃茄味，囗感比較濃厚飲得出係真材實料，唔會又稀又淡。飲完都開胃咗，準備食主菜
香煎美國有骨豬扒配洋蔥燒汁
$88
6 views
0 likes
0 comments
主菜豬扒嚟喇！上菜見到真係嘩咗聲竟然有兩大塊扒，真係大過塊臉估唔到$88都有咁嘅份量！味道好好有肉汁，肉質淋易切開，唔會太老，煮得啱啱好熟。平時少叫豬扒，就係驚煮過龍會難咬開側邊有少少肥膏位切走冇食到~洋蔥汁正常，真係有一條條洋蔥架，唔係得個汁
落單前有問過係咪配薯菜/飯/意粉，個員工話係，我地就叫咗一個要薯蓉一個要薯條。點知到上菜嘅時候，只係得4條瓜同2粒蕃茄仔。問返先知原來預設咗係依個，除非特別有講我地講返有order個陣講過，佢就同廚師傾完，另補比我地。咁即係本身個餐嘅薯菜就只係得咁少，如果食曬兩塊扒但得幾粒瓜配，會唔會太dry？情願扒細少少，但薯菜真係比多d，唔會食完濟咗
後補嘅薯條同薯蓉用細碗裝，薯條仲係新鮮熱辣，應該係廚師特登另外整嘅，實心有薯仔肉係入面，同埋夠粗先有囗感，好食！
薯蓉特別調過味，本身一見到好似冇味咁，仲打算加洋蔥汁一齊食。點知已經加咗調味，好creamy同甜甜地，有細細嘅薯粒混咗係入面，增加唔少囗感。份量雖然少，不過質素好
紐西蘭肉眼配洋蔥汁
$112
5 views
0 likes
0 comments
同事個牛扒接住上菜，原來得一塊！份量少但價錢比豬扒貴$2x...要咗7成熟，上菜時仲有少少血絲，唔會煎得太老！牛扒本身偏薄，食落囗感普通，如果厚d會比較好肉味都幾濃同埋香~本身依個餐係配紅酒燒汁，但同事唔食得紅酒汁，就轉咗洋蔥汁~整體味道唔錯，但要二揀一嘅話，豬扒性價比較牛扒高
食食下見到個宣傳座~like & share 社交網站專頁，有得送哈根大師雪糕！我地即刻眼睛發亮有一球大嘅雪糕做飯後甜品，好滿足
整體食物質素唔錯，環境舒服。記得要book位同換雪糕呀
Post
